Ռազմինֆոն ներկայացնում է Ադրբեջանի ԶՈւ և այլ ուժային կառույցների 2016-ի հայտնի կորուստները • Ադրբեջանը նոր կորուստներ ունի առաջնագծում • Ադրբեջանը Նախիջևանում թուրքական արտադրության 302 մմ ՀԿՌՀ է ցուցադրել • Ադրբեջանի ԶՈւ ղեկավարությունն այցելել է Տավուշի մարզին սահմանակից զորամասեր • Ադրբեջանի ԶՈւ խաղաղապահների հերթական խումբը մեկնել է Աֆղանստան • Ադրբեջանում նորից հրդեհ է բռնկվել Սանգաչալի գազատարում • Վրաստանի ՊՆ-ից կհեռացվի շուրջ 3000 քաղաքացիական աշխատակից • Վրաստանի ԶՈւ խաղաղապահների հերթական վաշտը մեկնել է Աֆղանստան • Սիրիայում անհետ կորած 2 թուրք զինծառողները սպանված են • Թուրքիայի ԶՈւ ԳՇ և ՊՆ անձնակազմը 2017 թ. հունվարի դրությամբ • Թուրքիայի զինուժին է հանձնվել տեղական «Մեհմեթչիք-2» ավտոմատների առաջին խմբաքանակը • Թուրքական ընկերությունը ուղղաթիռի վարժասարք է արտադրել Քաթարի ԶՈւ համար • Թուրքական ժանդարմերիան PKK-ի դեմ գործողություններ է սկսել Դիարբեքիրում • Ռուսաստանը և Թուրքիան Սիրիայում համագործակցության վերաբերյալ համաձայնագիր են ստորագրել • Անկարան և Բաղդադը համաձայնության չեն եկել Իրաքից Թուրքիայի ԶՈւ դուրսբերման վերաբերյալ • Թուրքիան ինտենսիվացրել է ավիահարվածները PKK-ի դիրքերին՝ Իրաքի հյուսիսում • Թուրքիայի վարչապետը եղել է Իրաքյան քրդերի զինուժի հենակետերում • Թուրքիայի և Իրաքի վարչապետերը քննարկել են Իրաքում Թուրքիայի ԶՈւ ստորաբաժանումների հարցը • Թուրքիայի ՊՆ-ն Իրաքի ԶՈւ ղեկավարին հրավիրել է Թուրքիա • Թուրքիան ռազմական օգնություն կցուցաբերի Ուկրաինային • Իրանում նշանակվել է ԻՀՊԿ հրամանատարի օպերատիվ գծով նոր տեղակալ և բանակի ցամաքային զորքերի հրամանատարի նոր տեղակալ • Airbus-ը Իրանին է մատակարարել պատվիրված 100 ինքնաթիռներից առաջինը • Ամերիկյան ռազմանավը նախազգուշացնող կրակ է արձակել իրանական կատերների ուղղությումբ. Reuters • Իրանը կընդլայնի հրթիռների արտադրությունը • Իրանի ՌԾՈւ զորավարժությանը կներկայացվի նոր սպառազինություն • Իրանը ևս մեկ գեներալ է կորցրել Սիրիայում • Իսրայելը հրթիռակոծել է Դամասկոսի «Մեզզե» ռազմական օդանավակայանի տարածքը • Ղազախստանը ՌԴ-ից գնել է 4 միավոր Մի-35Մ մարտական ուղղաթիռ
Իսրայելի ՌՕՈւ-ն հրթիռակոծել է Սիրիայի Մեզզե օդանավակայանի շրջակայքը • Վրաստանի ԶՈւ խաղաղապահները մեկնում են Աֆղանստան • Թուրքիայի պաշտպանության նախարարը՝ տեղական արտադրության MPT-76 ավտոմատը փորձարկելիս • Վարժասարք Քաթարի ԶՈւ AW139 ուղղաթիռի համար
Ադրբեջան / Վրաստան
• Ռազմինֆոյին, հիմնվելով բաց աղբյուրների վրա, կազմել է 2016 թվականին ադրբեջանական զինուժում և ուժային մյուս կառույցներում հայտնի 153 կորստի ցուցակ, որից 116-ը մարտական են (~75%), 35-ը՝ ոչ մարտական (~23%), ևս 2-ի մահվան պատճառը մեզ հայտնի չէ։ Մարտական կորուստների հիմնական մասը՝ 99 մարդ, այն զինծառայողներն են, որոնք մահացել են ապրիլի ընթացքում, կամ ավելի ուշ՝ ապրիլին ստացած վերքերից։
Ադրբեջանի ուժային կառույցների հայտնի կորուստները 2013-2016թթ
• Հունվարի 15-ին Ադրբեջանի ՊՆ-ն հայտարարել է հայկական զինուժի դեմ մարտերում սպանված իր մեկ զինծառայողի մասին, իսկ օրվա ընթացքում ավելի ուշ հայտնի է դարձել ևս մեկ ադրբեջանցի զինծառայողի կորստի մասին։ Եվս մեկ ադրբեջանցի մահացել է առաջնագծում ականի պայթյունից, նրա զինծառայող լինելը դեռ ստուգվում է։
• Հունվարի 11-ին Ադրբեջանի նախագահ Իլհամ Ալիևն այցելել է Նախիջևանի զորամասերից մեկը, որի մասին հաղորդագրությանը կից լուսանկարներում երևում է թուրքական արտադրության 302 մմ տրամաչափի «Քասըրղա» (թրք՝ Kasırğa) համազարկային կրակի ռեակտիվ համակարգ:
• Հունվարի 12-ին Ադրբեջանի պաշտպանության նախարար, գեներալ-գնդապետ Զաքիր Հասանովն այցելել է Ադրբեջանի Թովուզի շրջանի՝ Տավուշի մարզի դիմաց տեղակայված զորամասեր, եղել սահմանին տեղակայված ադրբեջանական մի շարք բնակավայրերում:
• Ադրբեջանի ԶՈւ 41 զինծառայողներից կազմված հերթական խումբը ՆԱՏՕ-ի «Վճռական աջակցություն» առաքելության շրջանակներում խաղաղապահ ծառայություն իրականացնելու համար մեկնել է Աֆղանստան:
Ադրբեջանի ԶՈւ զինծառայողները մեկնել են Աֆղանստան՝ խաղաղապահական ծառայության:
• Հունվարի 10-ին՝ երեկոյան ժամը 20:45-ի մոտակայքում, կրկին հրդեհ է բռնկվել Ադրբեջանի Սանգաչալի գազատարի հատվածներից մեկում: Հունվարի 11-ին Ադրբեջանի պետական նավթային ընկիերության (SOCAR) մամուլի ծառայությունը հայտնել է, որ հրդեհը հանգցվել է:
• Վրաստանի պաշտապանության նախարարությունում նախարար Լևան Իզորիայի հայտարարած վերակազմավորման շրջանակում սպասվում է 3000 քաղաքացիական աշխատակցի հեռացում, իսկ զինված ուժերը արդեն լքել է 209 սպա:
• Հունվարի 12-ին Աֆղանստան են ուղևորվել Վրաստանի ԶՈւ խաղաղապահների հերթական վաշտը: Վաշտի ծառայությունն անցնելու է Մազարի-Շարիֆի «Մարմալ» ռազմաբազայում, «Վճռական աջակցություն» առաքելության շրջանակում:
Թուրքիա
• Սիրիայում ընթացող Թուրքիայի զինուժի «Եփրատի վահան» գործողության ժամանակ անհետ կորած թուրք զինծառայողներ Քըվանջ Քասըքչըն և Մուհամեդ Դուրան Քեսքին սպանված են։ Զինծառայողները անհետացել էին նոյեմբերի 29-ին։ ԻՊ-ն հայտնել էր նրանց գերեվարելու մասին։
• Թուրքիայի ԶՈւ ԳՇ կայքը հրապարակել է զինված ուժերի թվաքանակը՝ 2017 թ. հունվարի 2-ի դրությամբ: Ժանդարմերիայի և առափնյա անվտանգության անձնակազմերի մասին տվյալներ կրկին չեն հրապարակվել, քանի որ այդ զորքերն արդեն ամբողջովին ՆԳՆ ենթակայության տակ են։ Այսպիսով՝ Թուրքիայի ԶՈւ և պաշտպանության նախարարության անձնակազմը 398.513 է, որից 39240-ը քաղաքացիական աշխատողներ են, իսկ 359.273-ը՝ զինծառայողներ:
• Հունվարի 11-ին Թուրքիայի զինված ուժերին է հանձնվել տեղական արտադրության MPT-76 «Մեհմեթչիք-2» ավտոմատների սերիական արտադրության առաջին խմբաքանակը:
MPT 76 «Մեհմեթչիք-2» ինքնաձիգը
• Թուրքական «Հավելսան» (Havelsan) ռազմարդյունաբերական ընկերությունը Քաթարի ԶՈւ ռազմաօդային ուժերի AgustaWestland AW139 բազմանպատակային ուղղաթիռի համար վարժասարք է արտադրել:
• Հունվարի 13-ին Թուրքիայի ՆԳՆ ժանդարմերիայի հատուկ նշանակության ուժերը Դիարբեքիրի Լիջե և Հանի գավառների տարածքում «Քրդստանի աշխատավորական կուսակցության» (PKK) շարքերում ղեկավար դիրք զբաղեցնող զինյալներին «հայտնաբերելու և վնասազերծելու» ռազմական գործողություններ է սկսել:
• Հունվարի 12-ին Ռուսաստանի ՊՆ և Թուրքիայի ԶՈւ ԳՇ պատվիրակները Մոսկվայում ստորագրել են Սիրիայի տարածքում երկու երկրների ռազմաօդային ուժերի գործողությունների ընթացքում պատահարների կանխարգելման, թռիչքների անվտանգության ապահովման մասին համաձայնագիր։
• Հունվարի 11-ին Թուրքիայի պաշտպանության նախարար Ֆիքրի Ըշըքը հայտարարել է, որ Իրաքի հյուսիսային «Բեշիքա» ռազմաճամբարում Թուրքիայի ԶՈւ ստորաբաժանումների մնալը անհրաժեշտություն է, այլ ոչ թե կամայականություն:
Թուրքիայի վարչապետը եղել է Իրաքյան քրդերի զինուժի կառավարման կետում
• Հունվարի 10-12-ին թուրքական կողմը հայտնել է Իրաքի հյուսիսում «Քրդստանի աշխատավորական կուսակցության» (PKK) դիրքերին ավիահարվածներ հասցնելու առնվազն 3 տարբեր գործողությունների իրականացման մասին։
• Հունվարի 7-ին Իրաքի վարչապետ Հայդար ալ-Աբադին Թուրքիայի վարչապետ Բինալի Յըլդըրըմը հետ հանդիպումից հետո մամուլի ասուլիսի ժամանակ հայտարարել է, որ Թուրքիան և Իրաքը համաձայնություն են ձեռք բերել Մոսուլ քաղաքի մոտ տեղակայված «Բեշիքա» ռազմական ճամբարից Թուրքիայի ԶՈւ ստորաբաժանումների դուրս բերման մասին Իրաքի պահանջի վերաբերյալ:
• Իրաքի այցի շրջանակներում Թուրքիայի վարչապետ Բինալի Յըլդըրըմը հունվարի 8-ին եղել է նաև Իրաքի քրդական ինքնավարության Փեշմերգե զինված ուժերի հենակետերից մեկում, ծանոթացել զորքերի կառավարման կետի աշխատանքին։
• Հունվարի 9-ին Թուրքիայի պաշտպանության նախարար Ֆիքրի Ըշըքը երկրի խորհրդարանում հայտարարել է, որ Իրաքի ՊՆ պաշտոնակատարին հրավիրել է Թուրքիա։ Կողմերը քննարկելու են «Իսլամական պետության» դեմ պայքարին վերաբերող հարցեր։ Հրավերը համաձայնեցվել է Թուրքիայի արտգործնախարարի և ԶՈւ ԳՇ պետի հետ։
• 2016 թ․ դեկտեմբերի 30-ին Թուրքիայում Ուկրաինայի դեսպան Անդրեյ Սիբիգան Թուրքիայի պաշտպանական արդյունաբերության գլխավոր վարչության պետ Իսմայիլ Դեմիրի հետ ստորագրել են Ուկրաինայի զինուժին ռազմական օգնություն տրամադրելու արձանագրություն և ռազմական համագործակցության համաձայնագիր են ստորագրել։
Իրան
• Իրանի իսլամական հեղափոխության պահապանների կորպուսի (ԻՀՊԿ) հրամանատար Մոհամմադ Ալի Ջաֆարիի հրամանով ԻՀՊԿ հրամանատարի օպերատիվ գծով նոր տեղակալ է նշանակվել գեներալ Ալի Զահեդին, ով այդ պաշտոնում փոխարինել է բրիգադային գեներալ Մեհդի Ռաբանիին։
• Իրանի բանակի ցամաքային զորքերի հրամանատար Քիոմարս Հեյդարիի առաջարկով և բանակի հրամանատար Աթաոլլահ Սալեհիի հաստատումով բանակի ցամաքային զորքերի հրամանատարի տեղակալ է նշանակվել երկրորդ կարգի բրիգադային գեներալ Ամիր Նովզար Նեմաթին։
Իրանի ցամաքային զորքերի հրամանատարի նոր տեղակալ , երկրորդ կարգի բրիգադային գեներալ Նովզար Նեմաթին
• Հունվարի 12-ին եվրոպական Airbus ավիաընկերությունից Իրանը ստացել է պայմանագրով նախատեսված 100 մարդատար ինքնաթիռներից առաջինը (A-321)։ Այս մասին հայտարարել են իրանական IranAir ավիաընկերության ներկայացուցիչները։
• Հունվարի 8-ին Հորմուզի նեղուցում Իրանի իսլամական հեղափոխության պահապանների կորպուսի (ԻՀՊԿ) 4 կատեր մինչև 800 մետր մոտեցել են ամերիկյան «Մահան» ականակիր ռազմանավին, ինչից հետո ականակիրը 3 անգամ նախազգուշացնող կրակ է արձակել իրանական կատերների ուղղությամբ:
Իրանի ռազմածովային ուժերի զորավարժություն Հորմուզի նեղուցում (արխիվ)
• Հունվարի 9-ին Իրանի խորհրդարանը ընդունել է օրինագիծ, որով կառավարությունը պարտավորվում է համապատասխան միջոցառումներ ձեռնարկել երկրի պաշտպանունակությունը բարձրացնելու նպատակով։ Օրինագծով մասնավորապես նախատեսվում է ավելացնել հրթիռների արտադրությունը:
• Իրանի ռազմածովային ուժերի հունվարին անցկացվելիք «Վելայեթ 95» զորավարժությանը փորձարկվելու է տեղական արտադրության նոր սպառազինություն։ Զորավարժությունն անցկացվելու է Իրանի տարածքային ջրերում և Հնդկական օվկիանոսի հյուսիսում:
• Սիրիայում սպանվել է Իրանի իսլամական հեղափոխության պահապանների կորպուսի (ԻՀՊԿ) գեներալ, իրանա-իրաքյան պատերազմի վետերան Ղոլամալի Ղոլիզադեն: Ղոլիզադեն Սիրիայում սպանված 10-րդ իրանցի գեներալն է արդեն։
َԱյլ
• Հունվարի 13-ի կիսգիշերին Իսրայել ռազմաօդային ուժերը հրթիռակոծել են Սիրիայի մայրաքաղաք Դամասկոսի հարավ-արևմուտքում գտնվող «Մեզզե» ռազմական օդանավակայանի տարածքը: Բռնկվել է հրդեհ:
Իսրայելի ռազմաօդային ուժերը հրթիռակոծել են Սիրիայի մայրաքաղաքին կից Մեզզե օդանավակայանի շրջակայքը
• «Вертолеты России» հոլդինգը 2018-ին Ղազախստանի պաշտպանության նախարարությանը կմատակարարի 4 միավոր Մի-35Մ մարտական ուղղաթիռ: Պայմանագիրը կնքված է, հաշվվելու է ռուսաստանյան ռուբլիով:
Հայաստանի ընթացիկ ռազմաշաբաթն այստեղ։