Սիրիայում սպանվել է Իրանի իսլամական հեղափոխության պահապանների կորպուսի (ԻՀՊԿ) գեներալ, իրանա-իրաքյան պատերազմի վետերան Ղոլամալի Ղոլիզադեն։ Այս մասին հունվարի 1-ին տեղեկացնում է իրանական «Ֆարս» լրատվական գործակալությունը։
Ղոլիզադեն Սիրիայում սպանված 10-րդ իրանցի գեներալն է արդեն։
Նշենք նաև, որ հունվարի 8-ին Իրան է բերվել Սիրիայում սպանված 2 իրանցի զինծառայողի աճյունը։ Զինծառայողներ Սադեղ Զամանին (18 տարեկան) և Նաիմ Ղոլամին (29 տարեկան) սպանվել էին 2016 թվականի հունիսին։
Ավելի վաղ՝ 2016 թվականի հոկտեմբերին, իրանական լրատվամիջոցները հայտնել էին ԻՀՊԿ գեներալ Ղոլամռեզա Սամայիի սպանության մասին։
Նշենք, որ Իրանը համարվում է Սիրիայի ներկայիս կառավարության դաշնակիցներից մեկը և, չնայած Սիրիայում պարբերաբար իրանցի մարտիկներ են զոհվում, այնուամենայնիվ իրանական իշխանությունները մշտապես հերքում են իրենց ռազմական ներկայությունն այդ երկրում և շեշտում, որ Իրանը Սիրիայում չունի մարտական ստորաբաժանումներ, ու իրանական կողմը Սիրիա է ուղարկում միայն ռազմական խորհրդատուներ:
Հիշեցնենք, որ նոյեմբերի 22-ին Իրանի շահիդների և վետերանների միության ղեկավար Մուհամեդ Ալի Շահիդի Մահալաթին հայտարարել էր, որ Սիրիայի պատերազմի ողջ ընթացքում Իրանի կողմից կռվող 1000-ից ավելի մարտիկ է զոհվել:
Pingback: Ռազմաշաբաթ. Տարածաշրջան. 8 – 14 հունվարի, 2017 | Ռազմ.info
Pingback: Սիրիայում իրանցի զինծառայողներ են սպանվել | Ռազմ.info