Իրանի ռազմածովային ուժերի հունվարին անցկացվելիք «Վելայեթ 95» զորավարժությանը փորձարկվելու է տեղական արտադրության նոր սպառազինություն։ Այս մասին հայտարարել է Իրանի ՌԾՈւ հրամանատար, դերծովակալ Հաբիբոլահ Սայարին։ Հունվարի 7-ին փոխանցում է իրանական «Թասնիմ» լրատվական գործակալությունը։
Զորավարժությունն անցկացվելու է Իրանի տարածքային ջրերում և Հնդկական օվկիանոսի հյուսիսում:
Նշենք, որ «Վելայեթ-95-ի» նախորդ` «Վելայեթ-94» զորավարժությունը անցկացվել է 2016 թվականի հունվարին:
Հիշեցնենք, որ 2016 թվականի դեկտեմբերին բանակի ցամաքային ուժերի զորավարժության ժամանակ Իրանը ներկայացրեց տեղական արտադրության ԱԹՍ, հակադրոնային համակարգ, դիպուկահար հրացաններ։
Իսկ նույն ամսին անցկացված ՀՕՊ զորավարժության ժամանակ էլ կիրառվեցին տեղական արտադրության հրթիռներ և հրթիռային համակարգեր։
Pingback: Ռազմաշաբաթ. Տարածաշրջան. 8 – 14 հունվարի, 2017 | Ռազմ.info