Օգոստոս 31, 2013 11:44 | RAZM.INFO -
Արևմուտքը մեղադրում է Սիրիայի նախագահ Բաշար Ասադին օգոստոսի 21-ին քիմիական զենք կիրառելու համար, ինչի հետևանքով Սիրիայում մեծանում է արտաքին ռազմական միջամտության հավանականությունը։
Ռազմինֆոն նման ձևաչափով ներկայացնում է Սիրիայի շուրջ ստեղծված իրավիճակի վերաբերյալ տվյալ օրվա ուշագրավ իրադարձությունները։
22:40 ” Միացյալ Նահանգների նախագահ
Բարաք Օբաման հայտարարել է, որ Սպիտակ տունը
կողմ է Սիրիային ռազմական հարված հասցնելուն, սակայն անհրաժեշտ է
համարել նաև Կոնգրեսի որոշումը:
***
12:20 - Օգոստոսի 30-ին Թուրքիայի վարչապետ Թայիփ Էրդողանը հայտարարել է, որ Թուրքիային ձեռնտու չէ ԱՄՆ-ի կողմից առաջարկված Սիրիայի հակամարտությանը «ռազմական սահմանափակ միջամտությունը»։ Վարչապետը պնդում է լայնամասշտաբ ռազմական գործողություններ սկսել։ Ավելին, Էրդողանի խոսքերով՝ Արևմուտքը պետք է Սիրիա ներխուժի գալիք շաբաթ՝ ռազմական գործողությունները ծավալելով այնքան ժամանակ, մինչև Բաշար Ասադը հեռանա։
***
12:15 ”
Իրանը կոչ է արել
Թուրքիայի համատեղզբաղվել Սիրիայի շուրջ ստեղծված իրավիճակի կարգավորման աշխատանքներով։ Նման տեղեկություն է տարածել թուրքական «Անադոլու» գործակալությունը՝ հղում կատարելով Անկարայում Իրանի արտակարգ և լիազոր դեսպան Ալիրեզ Բիղդելիի հայտարարությանը։
***
11։50 ” Որոշ վերլուծաբանների կարծիքով՝ ՄԱԿ փորձագետների հեռանալը Սիրիայից փաստում է, որ ռազմական
միջամտությունը մոտ է ու հավանական։
11։48 ” Օգոստոսի 30-ին
Լեհաստանի արտգործնախարար Ռադոսլավ Սիկորսկին մեղադրել է
Ռուսաստանին՝ Սիրիային քիմիական զենքի պաշարներ տրամադրելու համար։ Սիկորսկին ընդգծել է, որ Ռուսաստանը պատասխանատու է ԽՍՀՄ-ի այդ քայլի համար, ուստի պետք է հետևեր ու վերահսկեր քիմիական զենքի պաշարների ճակատագիրը Սիրիայում։ Հիշեցնենք, որ Լեհաստանն այնուհանդերձ հրաժարվել է Սիրիայում ռազմական միջամտությանը մասնակցել։
11։30 ” ՄԱԿ փորձագետների ու տեսուչների խումբը, որտեղ ընդգրկված են 13 հոգի, լքել է Սիրիան՝ օգոստոսի 31-ի վաղ առավոտյան հասնելով Լիբանան։ Համաձայն AFP-ի հաղորդած տվյալների՝ Սիրիայում քիմիական զենքի կիրառման վերաբերյալ իրենց
զեկույցը պետք է ներկայացվի
մեկ կամ երկու շաբաթ անց։
Օգոստոսի 29-ի լրահոսը՝ այստեղ
Օգոստոսի 30-ի լրահոսը՝ այստեղ
Միացյալ Նահանգների նախագահ Բարաք Օբաման հայտարարել է, որ Սպիտակ տունը կողմ է Սիրիային ռազմական հարված հասցնելուն, սակայն անհրաժեշտ է համարել նաև Կոնգրեսի որոշումը: Համապատասխան հայտարարությունը նա արել է օգոստոսի 31-ին: Continue reading 
