Թուրքիայի հետախուզական կազմակերպությունը և ԳՇ-ն պատասխանատու կլինեն նախագահին

Հուլիսի 31-ին Թուրքիայի նախագահ Էրդողանը հայտարարել է, որ ամենայն հանավականությամբ ազգային հետախուզական կազմակերպությունը և ԶՈւ գլխավոր շտաբը գործողությունների համար պատասխանատու կլինեն նախագահին:  Նշվում է, որ փոփոխությունը հիմանականում պայմանավորված է նրանով, որ ազգային հետախուզական կազմակերպությունը թերացել է իր աշխատանքում, ռազմական հեղաշրջման փորձի մասին նախօրոք տեղեկություններ չի տրամադրել երկրի նախագահին կամ վարչապետին:

Այս մասին հայտնում է թուրքական A- Haber լրատվակայքը:

Թուրքիայում ռազմական հեղաշրջման ձախողված փորձից հետո

Մասնավորապես Թուրքիայի նախագահ Ռեջեփ Թայիփ Էրդողանը հայտնել է սահմանադրական այնպիսի փոփոխություններ կատարելու անհրաժեշտության մասին, որով ԱՀԿ-ն և ԳՇ-ն պատասխանատվություն կկրեն նախագահի առաջ:

Նշենք, որ հետախուզական կազմակերպության ղեկավար Հաքան Ֆիդանը ռազմական հեղաշրջման փորձից ժամեր առաջ ծրագրվող գործողությունների մասին հայտնել էր ԶՈւ ԳՇ պետին և գաղտնի խորհրդակցություն ունեցել: Նախկինում ազգային անվտանգության կազմակերպությունը և գլխավոր շտաբը գործողությունների համար պատասխանատու էին վարչապետի և նախարարների խորհրդի առաջ:

Նշենք, որ վերջերս տեղեկություններ են շրջանառվում ազգային հետախուզական կազմակերպությունը երկու մասի՝ ներքին և արտաքին հետախուզության տարբեր կառույցների բաժանելու մասին: Սակայն այս մասին պաշտոնական աղբյուրները դեռ լռում են :

Նշենք, որ Թուրքիայի ազգային հետախուզական ծառայության ղեկավար Հաքան Ֆիդանը մինչ այս համարվում էր նախագահ Էրդողանի հավատարիմ մարդկանցից մեկը: Հետախուզական ծառայությունն առհասարակ համարվում էր ԶՈւ գլխավոր շտաբին հակակշռող հիմնական ուժերից մեկը:

Ավելի վաղ՝ հուլիսի 30-ին, Էրդողանը հայտարարել էր զինված ուժերի կառուցվածքում փոփոխություններ իրականացնելու մասին: Մասնավորապես ԶՈւ գլխավոր շտաբը դրվել է պաշտպանության նախարարության ենթակայության ներքո:

Բացի այդ, երկրի ժանդարմերիայի և առափնյա անվտանգության հրամանատարությունները արդեն Թուրքիայի ԶՈւ ԳՇ ենթակայության տակից հանվել և  դրվել ներքին գործերի նախարարության վերահսկողության ներքո:

Անկարա մտած տանկերը հուլիսի 15-ի ռազմական հեղաշրջման փորձի ժամանակ

Հիշեցնենք, որ հուլիսի 15-ին Թուրքիայում եղել է ռազմական հեղաշրջման չստացված փորձ, որից հետո ձերբակալվել են Թուրքիայի զինված ուժերի բազմաթիվ զինծառայողներ: Հեղաշրջման փորձին մասնակցելու, այն ղեկավարելու մեղադրանքով հուլիսի 22-ի դրությամբ կալանավորվել է Թուրքիայի ԶՈւ 119 գեներալ և ծովակալ:

Թուրքիայում ռազմական հեղաշրջման փորձի վերաբերյալ տեղեկություն կարող եք ստանալ հետևյալ հոդվածներում:

• Թուրքիայում մոտ 7000 ոստիկան շրջափակել են «Ինջիրլիք» ռազմաբազան:
• Հեղաշրջման փորձից հետո Թուրքիայի ԶՈւ-ում նոր զինվորականներ են նշանակվել բարձր պաշտոնների
• Չստացված հեղաշրջումից հետո Թուրքիայում վերադասավորում են ուժային կառույցները
• Թուրքիայում ռազմական հեղաշրջման փորձին մասնակցել է ԶՈւ 8651 զինծառայող 
• Թուրքիայի ԶՈւ գեներալակազմի 1/3-ը կալանավորվել է հեղաշրջման փորձի համար
• Թուրքիայում ռազմական հեղաշրջման փորձից հետո շուրջ 300 սպանված, 1500 վիրավոր
• Հեղաշրջման փորձ Թուրքիայում․ իշխանության ուժերը հայտնում են, որ այն ճնշվել է
• Թուրքիայում ռազմական հեղաշրջման փորձում գլխավոր դերում ժանդարմերիան է
• Թուրքիայի ԶՈւ 9 գեներալ և 311 զինվորական դասալիք են համարվում
• Թուրքիայում վերացնելու են նաև զինվորական դատարանների համակարգը