Tag Archives: Չինաստան

Ռուսաստան են ժամանել Չինաստանի ազգային–ազատագրական բանակի զինծառայողներ, որոնք Ս–400 «Տրիումֆ» զենիթահրթիռային համակարգերի տեխնիկական ստուգումներ են կատարում Աստրախանի «Կապուստին յար» զորավարժարանում։ Չինացի մասնագետները ստուգում են Չինաստանի համար պատրաստված Ս–400 ԶՀՀ–ների երկրորդ գնդային լրակազմը։

Ապրիլի սկզբին Ռուսաստանը Չինաստանին է ուղարկել Ս–400 զենիթահրթիռային «Տրիումֆ» համալիրների համար նախատեսված մի քանի տասնյակ հրթիռներ։ Ռուսաստանը հրթիռները Չինաստանին տրամադրել է ավելի վաղ վնասված հրթիռների փոխարեն։

Չինաստանի պատվիրած Ս–400 զեիթահրթիռային համալիրների 2–րդ գնդային լրակազմը արդեն պատրաստ է։ ԶՀՀ–ները ներկայում գտնվում են Աստրախանի «Կապուստին յար» զորավարժարանում, որտեղ անցնում են ընդունման–հանձնման փորձարկումներ։ Փորձարկումները կտևեն շուրջ 2 ամիս, որից հետո համալիրները կփոխանցվեն Չինաստանին։

Ռուսաստանը կսկսի Չինաստանին ուղարկել Ս–400 զենիթահրթիռային համալիրների երկրորդ գնդային լրակազմը հուլիսից։ Նախատեսվում է ամբողջ խմբաքանակը Չինաստանին փոխանցել ծովային ճանապարհով՝ 3 բեռնափոխադրող նավով։

Ռուսաստանը մտադիր է ուղղաթիռների սպասարկման կենտրոններ բացել Չինաստանում՝ հաշվի առնելով ուղղաթիռների տեսակն ու գերատեսչական պատկանելիությունը։ Խոսքը նախնական երեք կենտրոնի մասին է. Տյանցզին, Չենդու և Շենչժեն  քաղաքներում։