Daily Archives: Հունիս 28, 2014

Հունիս 28, 2014 17:24 | RAZM.INFO - «Նախիջևանում առանձին համազորային բանակի ստեղծումից հետո հայերը սեփական տարածքում հիմնել են մեկ-երկու դիրք։ Բնական է, որ այս քայլն ուղղված է ներքին լսարանին՝ ցույց տալու համար, թե իրենք էլ են անյտեղ (Նախիջևանում-Ռազմինֆո) ինչ-որ բան անում։ Բայց չէ՞ որ մեկ-երկու մարտական դիրքով խնդիրը չես լուծի», - այսպես է մեկնաբանել հունիսին Նախիջևանի սահմանին իրադարձությունները Ադրբեջանի պաշտպանության նախարար Զաքիր Հասանովը՝ «ANS» գործակալությանը տված հարցազրույցում։ [caption id="attachment_49027" align="alignnone" width="480"] Դրվագ՝ պաշտպանության նախարար Զաքիր Հասանովի հարցազրույցից[/caption] Սրանով Հասանովը հաստատել է, որ հայկական զինուժը Նախիջևանի սահմանին իսկապես զբաղեցրել է նոր դիրքեր՝ հակասելով իր իսկ գերատեսչության մամուլի ծառայության օրեր առաջ արված պնդումներին։ Հիշեցնենք, որ հայկական բանակի մարտական նոր դիրքերից Ռազմինֆոյի ֆոտոռեպորտաժը լայնորեն տարածվել էր ադրբեջանական մեդիադաշտում՝ առաջացնելով լուրջ դժգոհություն Ադրբեջանում։ Ի պատասխան՝ հունիսի 19-ին Ադրբեջանի ՊՆ մամուլի ծառայությունը տարածեց հաղորդագրություն, որում մասնավորապես պնդում էր, որ.

Պաշտպանության նախարարությունը հայտարարում է, որ հրապարակման բովանդակությունն ամբողջությամբ անհիմն է և հանդիսանում է հայկական կողմի հերթական ապատեղեկատվությունը։ Առանձին համազորային բանակը լիովին վերահսկում է օպերատիվ իրավիճակը Նախիջևանում։ Նշված հատվածում ընդհանրապես գոյություն չունի այնպիսի հասկացություն, ինչպիսին է «չեզոք գոտին»։

[caption id="attachment_49028" align="alignnone" width="480"] ՊՆ հաղորդագրությունը[/caption] Ենթադրում ենք՝ զգալով, որ սույն տեղեկության հերքումն անարդյունք է, պաշտպանության նախարարությունում որոշել են ընդունել այն՝ ներկայացնելով ավելի մեղմ երանգներով։