Ադրբեջանի պաշտպանության նախարարը հաստատել է Նախիջևանի սահմանին հայկական նոր դիրքերի հայտնվելը

«Նախիջևանում առանձին համազորային բանակի ստեղծումից հետո հայերը սեփական տարածքում հիմնել են մեկ-երկու դիրք։ Բնական է, որ այս քայլն ուղղված է ներքին լսարանին՝ ցույց տալու համար, թե իրենք էլ են անյտեղ (Նախիջևանում-Ռազմինֆո) ինչ-որ բան անում։ Բայց չէ՞ որ մեկ-երկու մարտական դիրքով խնդիրը չես լուծի», ” այսպես է մեկնաբանել հունիսին Նախիջևանի սահմանին իրադարձությունները Ադրբեջանի պաշտպանության նախարար Զաքիր Հասանովը՝ «ANS» գործակալությանը տված հարցազրույցում։

Դրվագ՝ պաշտպանության նախարար Զաքիր Հասանովի հարցազրույցից

Դրվագ՝ պաշտպանության նախարար Զաքիր Հասանովի հարցազրույցից

Սրանով Հասանովը հաստատել է, որ հայկական զինուժը Նախիջևանի սահմանին իսկապես զբաղեցրել է նոր դիրքեր՝ հակասելով իր իսկ գերատեսչության մամուլի ծառայության օրեր առաջ արված պնդումներին։

Հիշեցնենք, որ հայկական բանակի մարտական նոր դիրքերից Ռազմինֆոյի ֆոտոռեպորտաժը լայնորեն տարածվել էր ադրբեջանական մեդիադաշտում՝ առաջացնելով լուրջ դժգոհություն Ադրբեջանում։ Ի պատասխան՝ հունիսի 19-ին Ադրբեջանի ՊՆ մամուլի ծառայությունը տարածեց հաղորդագրություն, որում մասնավորապես պնդում էր, որ.

Պաշտպանության նախարարությունը հայտարարում է, որ հրապարակման բովանդակությունն ամբողջությամբ անհիմն է և հանդիսանում է հայկական կողմի հերթական ապատեղեկատվությունը։ Առանձին համազորային բանակը լիովին վերահսկում է օպերատիվ իրավիճակը Նախիջևանում։ Նշված հատվածում ընդհանրապես գոյություն չունի այնպիսի հասկացություն, ինչպիսին է «չեզոք գոտին»։

ՊՆ հաղորդագրությունը

ՊՆ հաղորդագրությունը

Ենթադրում ենք՝ զգալով, որ սույն տեղեկության հերքումն անարդյունք է, պաշտպանության նախարարությունում որոշել են ընդունել այն՝ ներկայացնելով ավելի մեղմ երանգներով։

One response to “Ադրբեջանի պաշտպանության նախարարը հաստատել է Նախիջևանի սահմանին հայկական նոր դիրքերի հայտնվելը

  1. Pingback: Զաքիր Հասանովը հանդիպել է Նախիջևանի «առանձին համազորային բանակի» հրամանատարական կազմին | Ռազմ.info

Մեկնաբանել

Ձեր էլ. փոստի հասցեն չի հրատարակվելու: Պարտադիր դաշտերը նշված են *