Ռուսաստանը Ս-400 «Տրիումֆ» զենիթահրթիռային համալիրների մատակարարումը Հնդկաստան կավարտի 2024-2025 թվականները։
Այս մասին, «ՏԱՍՍ» գործակալության փոխանցմամբ, հայտնել է Ռուսաստանի ռազմատեպնիկական համագործակցության գծով Դաշնային ծառայության փոխտնօրեն Վլադիմիր Դրոժովը։
Ավելի քան 5 մլրդ դոլար արժողությամբ պայմանագիրը Հնդկաստանը և Ռուսաստանը ստորագրել են 2018-ի հոկտեմբերին՝ չնայած ԱՄՆ պատժամիջոցների վտանգին։
Թեև դրանից մեկ ամիս առաջ՝ 2018-ի սեպտեմբերին, ԱՄՆ պետաքարտուղար Մայք Պոմպեոն հայտարարել էր, ԱՄՆ–ն հակված է պատժամիջոցներ չկիրառել Հնդկաստանի դեմ։ Նշենք, որ սրան զուգահեռ ԱՄՆ–ն պարբերաբար Հնդկաստանին առաջարկում է գնել ամերիկյան Ֆ-35 կործանիչներ, հնդիկները սակայն խուսափում են գործարքից, հիմնական պատճառը այս կործանիչների անհամատեղելիությունն է հնդկական սպառազինության հետ։
Ռուսաստանն իր հերթին զիջումների է գնացել Հնդկաստանի համար համակարգերի վերջնական գնի հարցում։
Վերջերս՝ 2019-ին մարտի կեսերին, Ռուսաստանը հայտարարել էր, որ Հնդկաստանի Ս-400-ները արդեն արդատրվում են։
Նշենք, որ Միացյալ Նահանգները, Թուրքիայից բացի, Ս–400–ների գործարքի համար փորձում է ճնշել նաև Հնդկաստանին և առաջարկել ամերիկյան այլընտրանք համակարգ։ Մեկ ամիս առաջ ամերիկյան կողմը հայտարարել է, որ դեռևս ոչ մի որոշում չկա, սակայն հնդկական կողմը հասկանում է Ռուսաստանից Ս–400–ներ գնելու հետևանքները։