[Լրացված] Ադրբեջանական դիվերսիոն խումբը հետ է մղվել. հայկական կողմը ունի 1 զոհ

Posted on Դեկտեմբեր 4, 2015 by | 5 Comments

Դեկտեմբերի 3-ի լույս 4-ի գիշերը՝  4:30-ի սահմաններում, հայ-ադրբեջանական ուժերի շփման գծի հյուսիսարևելյան (Թալիշի) ուղղությամբ դիվերսիոն հետախուզական ներթափանցման փորձը կանխելիս զոհվել է ՊԲ զինծառայող, Էրիկ Էդիկի Գրիգորյանը (ծնված 1995 թ.):

Այս մասին Ռազմինֆոյին հայտնեց ՊԲ մամուլի խոսնակ Սենոր Հասրաթյանը՝ հավելելով, որ Պաշտպանության բանակի առաջապահ զորամասերի կողմից ձեռնարկված օպերատիվ գործողությունների արդյունքում հակառակորդի հատուկ նշանակության ջոկատը, կորուստներ կրելով հետ է շպրտվել ելման դիրքեր:

Դեպքի մանրամասները պարզելու համար կատարվում է քննություն:

Լրացում. ՀՀ քննչական կոմիտեի Զինվորական քննչական գլխավոր վարչության Երրորդ կայազորային քննչական բաժնում հակառակորդի կողմից հայ զինծառայողի սպանության դեպքի առթիվ հարուցվել է քրեական գործ՝ ազգային, ռասայական կամ կրոնական ատելության կամ կրոնական մոլեռանդության շարժառիթով, կազմակերպված խմբի կողմից, շատերի կյանքի համար վտանգավոր եղանակով սպանություն կատարելու դեպքի առթիվ։ Այս մասին տեղեկացնում քննչական կոմիտեի կայքը:

This entry was posted in Լուրեր and tagged , , , . Bookmark the permalink.