2015թ. հունիսի 9-ին ՀՀ պաշտպանության նախարարությունում մեկնարկել են սեպտեմբերի 30-ից հոկտեմբերի 4-ը ՀՀ տարածքում անցկացվելիք ՀԱՊԿ հավաքական խաղաղապահ ուժերի «Անքակտելի եղբայրություն-2015» զորավարժության նախապատրաստման և անցկացման երկրորդ շտաբային բանակցությունները: Այս մասին հայտնում է ՀՀ ՊՆ կայքը:
Բանակցություններին մասնակցել են ՀԱՊԿ անդամ պետությունների շահագրգիռ նախարարությունների և գերատեսչությունների, Քարտուղարության, Միացյալ շտաբի ներկայացուցիչները, ինչպես նաև Կարմիր Խաչի միջազգային կոմիտեի պատվիրակությունը:
Բանացությունների արդյունքում կողմերը վերջնական համաձայնեցնելու են զորավարժության մտահղացման նախագիծը և գործնական դրվագները, ճշտելու են զորավարժության մասնակիցների թվաքանակը և բազմակողմ ապահովման հարցերը, ինչպես նաև անցկացնելու են «Բաղրամյան» ուսումնական կենտրոնի տեղազննումը:
Նշենք, որ մասնավորապես նաև զորավարժության նախապատրաստման նպատակով մարտին Երևան էր եկել ՀԱՊԿ գլխավոր քարտուղար Նիկոլայ Բորդյուժան: Պաշտոնյան Հայաստանում զորավարժության նախապատրաստման ընթացքը քննարկել էր ՀՀ նախագահ Սերժ Սարգսյանի և պաշտպանության նախարար Սեյրան Օհանյանի հետ:
Pingback: ՄԱԿ-ը հաստատել է իր դիտորդների մասնակցությունը ՀՀ-ում անցկացվելիք ՀԱՊԿ զորավարժությանը | Ռազմ.info
Pingback: Բորդյուժան խոսել է Արցախյան հակամարտության և ՌԴ-ի՝ Ադրբեջանին զենք վաճառելու մասին | Ռազմ.info
Pingback: ՀԱՊԿ գլխավոր քարտուղարն այցելել է Հայաստան | Ռազմ.info
Pingback: «ՀԱՊԿ-ը Սիրիային կարող է օգնել քաղաքական ազդեցությամբ, զենքով, բայց ոչ զինված ուժերով» | Ռազմ.info