ՌԴ Դաշնային Խորհուրդը հավանություն է տվել երկրի նախագահի դիմումին, որով առաջարկվում էր մինչև Ուկրաինայում ծայր առած իրավիճակի կայունացումը կիրառել զինված ուժերը՝ այդ երկրում ՌԴ քաղաքացիների անվտանգությունն ապահովելու համար։ Այս մասին հաղորդում է ռուսաստանյան ԻՏԱՐ-ՏԱՍՍ լրատվական գործակալությունը։
ՌԴ ԶՈւ զինծառայողները Ղրիմում. 01.03.2014թ
Ավելի վաղ հայտնի էր դարձել, որ Ռուսաստանի նախագահ Վլադիմիր Պուտինը մարտի 1-ին դիմել է երկրի Դաշնային խորհրդին՝ Ուկրաինայի տարածք զորք մտցնելու կապակցությամբ։ ՌԴ նախագահի կայքում տեղադրված հաղորդագրությունում ասվում էր, որ հաշվի առնելով Ուկրաինայում ծայր առած իրավիճակն ու այդ երկրում ՌԴ քաղաքացիների համար առկա վտանգը, նախագահը դիմում է Դաշնային խորհրդին՝ երկրի զինված ուժերն Ուկրաինայում կիրառելու թույլտվության համար։
Նշենք, որ վերջին օրերին խիստ սրվել է իրավիճկաը Ուկրաինայի կազմի մեջ մտնող Ղրիմի Ինքնավար Հանրապետության շուրջ։ Առայժմ թերակղզու մեծամասնություն կազմող էթնիկ ռուս բնակչության անվտանգությունն ապահովում են Սևաստոպլի նավահանգստում տեղակայված Ռուսաստանի ռազմածովային ուժերի ռազմածովային բազայի զինծառայողները։
Այժմ արդեն, երբ առկա է ՌԴ Դաշնային խորհրդի հավանությունը, չի բացառվում, որ Ռուսաստանը լրացուցիչ ուժեր կմտցնի թերակղզի։
Pingback: Իրադրությունն Ուկրաինայում. թարմացվող լրահոս. հունիսի 24 | Ռազմ.info
Pingback: ՌԴ նախագահն առաջարկել է չեղարկել Ուկրաինայի տարածքում զինված ուժերի օգտագործման թույլտվությունը | Ռազմ.info
Pingback: ՌԴ-ում կոչ են անում կրկին թույլատրել՝ կիրառել զինված ուժերն Ուկրաինայի տարածքում | Ռազմ.info
Pingback: Ռուսաստանն օդային գործողություն է սկսում Սիրիայում Ասադի խնդրանքով | Ռազմ.info