ՌԴ նախագահն առաջարկել է չեղարկել Ուկրաինայի տարածքում զինված ուժերի օգտագործման թույլտվությունը

Ռուսաստանի նախագահ Վլադիմիր Պուտինը 2014-ի հունիսի 24-ին դիմել է ՌԴ Դաշնային Խորհուրդ՝ առաջարկելով չեղյալ համարել վերջինիս՝ 2014-ի մարտի 1-ի որոշումը, որով երկրի նախագահին տրվել էր թույլտվություն՝ անհրաժեշտության դեպքում կիրառել զինված ուժերն Ուկրաինայի տարածքում։ Այս մասին հաղորդում է Ռուսաստանյան «Ռիա-Նովոստի» լրատվական գործակալությունը։

ՌԴ նախագահ Վլադիմիր Պուտին

ՌԴ նախագահ Վլադիմիր Պուտին

Դաշնային Խորհուրդը նախագահի դիմումը կքննարկի արդեն իսկ վաղը՝ հունիսի 25-ի առավոտյան։

Խորհրդի՝ անվտանգության և պաշտպանության հարցերով հանձնաժողովի նախագահ Վիկտոր Օզյորովը նշել է, որ մարտի 1-ի որոշումը նպատակահարմար է չեղյալ համարել, որպեսզի այն չշահարկվի կիևյան իշխանությունների և ապստամբների միջև ընթացող բանակցությունների ընթացքում։

Վլադիմիր Պուտինի այս քայլին արդեն իսկ արձագանքել է Ուկրաինայի նախագահ Պյոտր Պորոշենկոն, ով նշել է, որ դա գործնական քայլ է՝ ուղղված երկրի հարավ-արելքում ստեղծված իրավիճակի խաղաղ կարգավորմանը։

Հիշեցնենք, 2014-ի մարտի 1-ին Ղրիմում տեղակայված ՌԴ ԶՈւ ստորաբաժանումները դուրս բերվեցին զորամասերից և նշանակվեցին պարեկության՝ Ղրիմում ուկրաինական ռազմական օբյեկտների հարևանությամբ։ Դրան զուգահեռ, ՌԴ Դաշնային խորհուրդը նախագահին թույլատրեց անհրաժեշտության դեպքում կիրառել զինված ուժերն Ուկրաինայի տարածքում։

One response to “ՌԴ նախագահն առաջարկել է չեղարկել Ուկրաինայի տարածքում զինված ուժերի օգտագործման թույլտվությունը

  1. Pingback: Իրադրությունն Ուկրաինայում. թարմացվող լրահոս. հունիսի 24 | Ռազմ.info

Մեկնաբանել

Ձեր էլ. փոստի հասցեն չի հրատարակվելու: Պարտադիր դաշտերը նշված են *