Այսօր՝ փետրվարի 2-ին, նախագահ Սերժ Սարգսյանը ստորագրել է հրամանագիր, որով պաշտոնից ազատվել է պաշտպանության նախարարության Վազգեն Սարգսյանի անվան ռազմական ինստիտուտի պետ, գեներալ-լեյտենանտ Մարտին Կարապետյանը։
Հավելենք, որ ինստիտուտի պետի պաշտոնանկությունը կապված է 2015-ի հունվարի 29-ին ռազմական ինստիտուտի կուրսանտ Հայկազ Բարսեղյանի սպանության հետ։
Տեղեկացնենք, որ փետրվարի 2-ին լրատվամիջոցներում շրջանառվում էին տեղեկություններ, համաձայն որոնց ռազմական ինստիտուտի պետ Մարտին Կարապետյանն ինքնակամ ներկայացրել է պաշտոնից ազատման դիմում։
Դեպքի առթիվ ՀՀ քննչական կոմիտեի զինվորական քննչական գլխավոր վարչությունում հարուցված քրեական գործով մեղադրանք է առաջադրվել 4 համածառայակցի։ Նրանց նկատմամբ որպես խափանման միջոց ընտրվել է կալանքը։
Հունվարի 31-ին պաշտպանության նախարար Սեյրան Օհանյանն անցկացրել է խորհրդակցություն, որին մասնակցել են պաշտպանության նախարարի, ԶՈՒ ԳՇ պետի տեղակալները, վարչությունների պետեր, իրավապահ մարմինների ներկայացուցիչներ։ Խորհրդակցության ընթացքում նախարար Օհանյանը հավաստիացրել էր, որ բոլոր մեղավորները պատժվելու են օրենքի ամբողջ խստությամբ։
Pingback: Վազգեն Սարգսյանի անվան ռազմական ինստիտուտի պետ է նշանակվել Արմեն Ղահրամանյանը | Ռազմ.info
Pingback: Նախարար Օհանյանը ներկայացրել է Վ. Սարգսյանի անվան ինստիտուտի պետին | Ռազմ.info
Pingback: Ռազմաշաբաթ․ Հայաստան․ 1-7 փետրվարի, 2015 | Ռազմ.info