Ադրբեջանի նախագահ Իլհամ Ալիևը դեկտեմբերի 22–ին հաստատել է 2019թ. բյուջեի մասին օրենքը, որով պաշտպանական ոլորտի ծախսերին նախատեսվում է հատկացնել ~3 մլրդ 38 մլն մանաթ (~ 1 մլրդ 787 մլն դոլար)։
Բյուջեի հաստատման մասին հրամանագրից զատ Ադրբեջանի նախագահի պաշտոնական կայքում հրապարակվել է նաև պաշտպանության ոլորտի ծախսերից առանձին կառույցներին հատկացվող գումարների չափը։ Ըստ այդմ՝ պաշտպանական բյուջեի ~1 մլրդ 787 մլն դոլարից ~812 մլն դոլարը հատկացվում է միայն hատուկ պաշտպանական նշանակության նախագծերի և միջոցառումների իրականացմանը։
Նշենք, որ Պետբյուջեի խորհրդարանում հաստատված տարբերակի համեմատ պաշտպանական ծախսերում որևէ փոփոխություն չկա։
Ադրբեջանի 2019թ. բյուջեի նախագծով պաշտպանական առանձին կառույցներին հատկացվող գումարները.
Մանաթ | Դոլար | ||
1.2. | Պաշտպանություն | 3,037,618,152.00 | 1,786,834,207.00 |
1.2.1. | Պաշտպանության ուժեր | 1,494,074,656.00 | 878,867,445.00 |
1.2.1.1. | Պաշտպանության նախարարության | 1,225,984,456.00 | 721,167,327.00 |
1.2.1․2. | Պետական սահմանապահ ծառայություն | 196,706,744.00 | 115,709,849.00 |
1.2.1.3. | Զորահավաքի և զորակոչի պետական ծառայություն | 23,149,398.00 | 13,617,293.00 |
1.2.1.4. | Աշխատավարձերի, ծախսերի կարգավորում և այլ սոցիալական միջոցառումներ | 14,774,058.00 | 8,690,622.00 |
1.2.1.5. | Նյութատեխնիկական ապահովում | 20,000,000.00 | 11,764,706.00 |
1.2.1.6. | Պետբյուջեից ֆինանսավորվող կառույցների արտաբյուջետային ծախսեր | 13,460,000.00 | 7,917,647.00 |
1.2.2. | Ազգային անվտանգություն | 156,989,306.00 | 92,346,650.00 |
1.2.2.1. | Պետական անվտանգության ծառայություն | 119,669,695.00 | 70,393,938.00 |
1.2.2.2 | Արտաքին հետախուզության ծառայություն | 37,319,611.00 | 21,952,712.00 |
1.2.3. | Կիրառական հետազոտություններ | 2,800,878.00 | 1,647,575.00 |
1.2.3.1. | Պաշտպանական արդյունաբերության նախարարություն | 2,800,878.00 | 1,647,575.00 |
1.2.4. | Այլ դասերին չպատկանող ծախսեր | 1,383,753,312.00 | 813,972,536.00 |
1.2.4.1. | Պետական արդյունաբերության նախարարություն | 3,376,812.00 | 1,986,360.00 |
1.2.4.2 | Հատուկ պաշտպանական նշանակության նախագծերի և միջոցառումների ծախսեր | 1,380,376,500.00 | 811,986,176.00 |
«Այլ» բաժնով ծախսերի համար առաջին անգամ նման խոշոր գումար հատկացվել է 2017թ.։ Այս բաժնի «Հատուկ պաշտպանական նշնակության նախագծերին և միջոցառումներին» հատկացվող գումարները, ամենայն հավանականությամբ, նախատեսվում է ուղղել ռազմական տեխնիկայի գնումներին և արդիականացմանը։
Հարկ է նշել, որ բացի պաշտպանական բյուջեի մեջ ներառված կառույցներից, Ադրբեջանում կան այլ ռազմականացված կառույցներ ևս, որոնց տարեկան ծախսերը նախատեսված են այլ բաժիններով։
Օրինակ՝ արդարադատության նախարարության քրեակատարողական վարչությանը, որի կազմում կա ռազմականացված ստորաբաժանում, կհատկացվի ~106 մլն 917 հզ մանաթ (~ 63 մլն 22 հզ դոլար)*: Ներքին զորքերի ծախսերին հատկացվում է ~159 մլն 37 հզ մանաթ (~93,5 մլն դոլար)։ Շուրջ ~100 մլն մանաթ էլ (~60 մլն դոլար) հատկացվելու է Պետական հատուկ պահպանության ծառայությանը։
~182 մլն մանաթ (~107 մլն մանաթ) էլ հատկացվում է արտակարգ իրավիճակների նախարարությանը, որի կազմում ևս ռազմականացված ստորաբաժանումներ կան*: Եվս ~11 մլն մանաթ (~6,5 մլն դոլար) նախատեսված է ռազմական դատախազության ծախսերի համար։
*Հարկ է նշել, որ պաշտպանական բյուջեից դուրս ներկայացված կառույցների ծախսերում առանձին ընդգծված չէ, թե ռազմական ստորաբաժանումներին որքան գումար է ուղղվելու: Ըստ այդմ՝ հստակ հնարավոր չէ որոշել ռազմական հատկացումների չափը:
Նշենք, որ ընթացիկ տարվա բյուջեի համեմատ 2019թ. պաշտպանական ծախսերը աճում են 4,6 տոկոսով (~ 132 մլն մանաթ)։
Հարկ է նշել, որ 2018թ․ բյուջեն, որը հաստատվել էր 2017թ․ դեկտեմբերի 29-ին, ռազմական ոլորտի ծախսերի համար նախատեսում էր ~2,7 մլրդ մանաթ, որի համեմատությամբ 2019թ. բյուջեն պետք է ավելանար 11 տոկոսով։ Սակայն, 2018թ. հուլիսին պաշտպանական ոլորտի հատկացումները ավելացան՝ կապված նավթի թանկացման հետ, հասնելով մինչև ~2,9 մլրդ մանաթի։ Ըստ այդմ էլ՝ 2019թ. բյուջեն ավելանում է 4,6 տոկոսով։
Ընթացիկ տարվա ռազմական բյուջեի համեմատ 2019 թվականի համար նախատեսված բյուջեով ռազմական ոլորտի ծախսերն աճում են նաև դոլարային փոխարժեքով՝ 2018 թ. շուրջ 1 մլրդ 700 մլն դոլար, իսկ 2019-ի նախագծով՝ շուրջ 1 մլրդ 787 մլն ԱՄՆ դոլար:
Հայաստանի 2019թ․ բյուջեի նախագիծը՝ այստեղ։