2017-ի հուլիսի 1-ից 31-ը հայկական զինված ուժերում (ներառյալ Պաշտպանության բանակում) հայտարարվել է մահվան 4 դեպքի մասին։ Կորուստներից երկուսը մարտական են: Տարբեր հանգամանքներում վիրավորվել է հայկական բանակի 4 զինծառայող:
Մարտական կորուստներ
• Հուլիսի 10-ին ՊԲ արևելյան ուղղությամբ տեղակայված զորամասերից մեկի պահպանության տեղամասում հակառակորդի կրակոցից զոհվել է ՊԲ զինծառայող Վազգեն Ժիրայրի Պողոսյանը (ծնված 1997թ.):
[Թարմացում] • Հուլիսի 28-ին մահացել է հուլիսի 7-ին ադրբեջանական արկակոծության հետևանքով վիրավորված ՊԲ զինծառայող Ռոբերտ Նովրուզի Գասպարյանը (ծնվ. 1969թ.): Այս մասին հայտնի է դարձել հոկտեմբերի 3-ին:
Ոչ մարտական կորուստներ
• Հուլիսի 23-ին ՀՀ ՊՆ զորամասերից մեկի մերձակա տարածքում հայտնաբերվել է զորամասն ինքնակամ լքած ժամկետային զինծառայող, կրտսեր սերժանտ Վարդան Արտավազդի Մելքոնյանի դին՝ կախված վիճակում (ծնված 1998թ.): Միջադեպի առիթով մեկ անձ ձերբակալվել է։
• Հուլիսի 28-ին Հայաստանի զինված ուժերի՝ Տավուշի մարզի դիրքերից մեկում զենքի հետ վարվելու կանոնները խախտելու հետևանքով հրազենի կրակոցից զոհվել է պայմանագրային զինծառայող Արկադի Լևոնի Ղամբարյանը:
Վիրավորներ
• Հուլիսի 7-ին Ադրբեջանի զինուժի կողմից ՊԲ դիրքերի արկակոծության հետևանքով տարբեր աստիճանի բեկորային վիրավորումներ են ստացել ՊԲ զինծառայողներ Համբարձում Կարապետի Հարությունյանը (ծնվ. 1997թ.) և Վահե Գագիկի Բադալյանը (ծնվ. 1998թ.):
• Հուլիսի 19-ին ականի պայթյունի հետևանքով վիրավորվել է Արարատի գնդի պայմանագրային զինծառայող (անունը չի հրապարակվել):
• Հուլիսի 28-ին ՀՀ ԶՈւ՝ Տավուշի մարզում տեղակայված դիրքերից մեկում հակառակորդի կրակոցից վիրավորվել է պայմանագրային զինծառայող, շարքային Արթուր Մայրանյանը (ծնված 1976թ․)։
Ընդհանուր առմամբ՝ 2017 -ին հունվարի 1-ից հուլիսի 31-ը հայտարարվել է հայկական բանակի 38 զինծառայողի մահվան մասին։
| Ամիս | Մարտական | Ոչ մարտ. | Վիրավոր |
| Հունվար | 3 | 3 | 1 |
| Փետրվար | 3 | 3 | 6 |
| Մարտ | 3 | 1 | 6 |
| Ապրիլ | 2 | 3 | 1 |
| Մայիս | 2 | 6 | 2 |
| Հունիս | 4 | 2 | 17 |
| Հուլիս | 2 | 2 | 4 |
| Ընդհանուր | 19 | 20 | 37 |
Ադրբեջանական զինուժի կորուստները՝ այստեղ: