[Լրացված] Հուլիսի 23-ին մահացել է ՀՀ ԶՈւ զինծառայող

Հուլիսի 23-ին` ժամը 06:30-ի սահմաններում, ՀՀ ՊՆ զորամասերից մեկի մերձակա տարածքում հայտնաբերվել է զորամասն ինքնակամ լքած ժամկետային զինծառայող, կրտսեր սերժանտ Վարդան Արտավազդի Մելքոնյանի դին՝ կախված վիճակում (ծնված 1998թ., Վանաձորի ԶԿ): Այս մասին հայտնում է ՀՀ ՊՆ կայքը։

Դեպքի հանգամանքները պարզելու համար կատարվում է քննություն:

Հուլիսի 24-ին ՀՀ Քննչական կոմիտեի կայքը հայտնում է, որ ՀՀ քննչական կոմիտեի զինվորական քննչական գլծավոր վարչության չորրորդ կայազորային քննչական բաժնում քննություն է տարվում՝ պարզելու ժամկետային զինծառայող, կրտսեր սերժանտ Վարդան Արտավազդի Մելքոնյանի մահվան հանգամանքները:

Պարտադիր ժամկետային զինծառայողի դին հայտնաբերվել է հուլիսի 23-ին` ժամը 06.30-ի սահմաններում, ՀՀ ՊՆ զորամասերից մեկի մերձակա տարածքում` կախված վիճակում:

Չորրորդ կայազորային քննչական բաժնում նույն օրը հարուցվել է քրեական գործ` ՀՀ քրեական օրենսգրքի 110-րդ հոդվածի 1-ին մասով (ինքնասպանության հասցնելը): Նշանակվել է դատաբժշկական փորձաքննություն:

[Լրացում] Հուլիսի 27-ին ՀՀ Քննչական կոմիտեի կայքը հայտնում է, որ գործի շրջանակներում մեկ անձ ձերբակալվել է։

Ձեռնարկված քննչական գործողությունների արդյունքում փաստական տվյալներ են ձեռք բերվել , որ 2017թ. հուլիսի 22-ին՝ ժամը 23:30 -ի սահմաններում, կրտսեր սերժանտի նկատմամբ  ՀՀ ՊՆ զորամասերից մեկի դիվիզիոնի կենցաղսպասարկման սենյակում ծառայակցի կողմից կիրառվել է բռնություն:

Ծառայակիցը ձերբակալվել է՝ ՀՀ քրեական օրենսգրքի 358-րդ հոդվածի (Պետի նկատմամբ բռնի գործողություններ կատարելը) առաջին մասով նախատեսված արարք կատարելու կասկածանքով։

Նախաքննությունը շարունակվում է:

2 responses to “[Լրացված] Հուլիսի 23-ին մահացել է ՀՀ ԶՈւ զինծառայող

  1. Այդ դատարկ քննությունների արդյունքում գոնե մեկին դատել ու նստացրե՞լ են։

    • Ձեր հարցից եթե դատել, ստացվում է, որ չգիտեք, դատում են, թե ոչ։ Եթե չգիտեք, ապա ի՞նչ գիտեք, որ քննությունները դատարկ են։ Փորձեք Ձեր հարցն առանց դեմագոգիայի ձևակերպել ու գուցե և պատասխան ստանաք։

Մեկնաբանել

Ձեր էլ. փոստի հասցեն չի հրատարակվելու: Պարտադիր դաշտերը նշված են *