Daily Archives: Դեկտեմբեր 16, 2020

Դեկտեմբերի 15-ին՝ ժամը 14:17-ի սահմաններում, ՊԲ հյուսիս-արևելյան զորամասերից մեկի պահպանության տեղամասում, դեռևս չպարզված հանգամանքներում, հրազենային վիրավորումից մահացել է 2002 թվականին ծնված Վահե Հովհաննեսի Բաբայանը:

Առայսօր հայտնաբերվել է ընդհանուր 892 զոհված զինծառայողի մարմին: Այս մասին «Արմենպրես»-ին հայտնել է հետ Արցախի արտակարգ իրավիճակների ծառայության մամուլի խոսնակ Հունան Թադևոսյանը:

Արցախի մարդու իրավունքների պաշտպան Արտակ Բեգլարյանի հավաքագրած նախնական տվյալներով, Հադրութի շրջանի Խծաբերդ գյուղի ուղղությամբ այս օրերին անհետ կորել է շուրջ 60 զինծառայողից բաղկացած մի ստորաբաժանում։ Այս մասին գրել է նա ֆեյսբուքյան իր էջում նշելով, որ մեծ հավանականությամբ ստորաբաժանումը երևում է ադրբեջանական կողմի հրապարակած տեսանյութում:

Նրա խոսքով`իրավապահ մարմինները պետք է արագ և խիստ քննեն միջադեպը և պարզեն բոլոր հանգամանքներն ու մեղավորների շրջանակը:

Դեկտեմբերի 15-ի երեկոյան, դեռևս անհայտ պայմաններում, կորել է կապը Հադրութի Հին Թաղեր և Խծաբերդ գյուղերի ուղղությամբ տեղակայված ՊԲ մի քանի մարտական դիրքերի անձնակազմի հետ։ Այս մասին հայտնում է Պաշտպանության Բանակի կայքը։