Դեկտեմբերի 21-ին Քութաիսիում Վրաստանի ԶՈւ արևմտյան հրամանանատարության 3-րդ հետևակային բրիգադ այցի ժամանակ Վրաստանի ԶՈւ ԳՇ պետ, բրիգադի գեներալ Չաչիբաիան հայտարարարություններ է արել Վրաստանի ՊՆ-ԶՈւ համակարգի կրճատումների մասին։ Այս մասին հայտնում է Վրաստանի ՊՆ մամուլի ծառայությունը։
Չաչիբաիայի խոսքով՝ Վրաստանի զինված ուժերի շարքերում սպասվում են քաղաքացիական անձնակազմի կրճատումներ և ռազմական պոտենցիալի զարգացման նպատակով մնացյալ ֆինանսական միջոցների վերաբաշխում։
«Այսօր ռազմական բյուջեի 67 %֊ը ծախսվում է աշխատավարձների և վարչական ծախսերի վրա։ Մենք պետք է կրճատենք տոկոսային այս ցուցանիշը և միջոցները ուղղենք ռազմական պոտենցիալի բարձրացմանը»։
Նշենք, որ կրճատումները վերաբերում են նաև սպայական կազմին, մասնավորապես՝ Վրաստանի ԶՈւ շարքերից կհեռացվի 55 գնդապետ։ Քննարկվում է նաև գրոհիչ ավիացիայի կրճատումը, մասնավորապես՝ Սու-25 գրոհիչներից հրաժարումը:
Հիշեցնենք, որ Վրաստանի ԶՈւ բյուջեն կազմում է 743,2 մլն վրացական լարի (309,5 մլն ԱՄՆ դոլար)։ Բյուջեի նախագծում ներառված է նաև ռազմական ծախսերի համար նախատեսված 78,2 մլն վրացական լարի (32,5 մլն ԱՄՆ դոլար) արժողությամբ վարկ:
Pingback: Վրաստանի ՊՆ-ից կհեռացվի շուրջ 3000 քաղաքացիական աշխատակից | Ռազմ.info