Այսօր՝ դեկտեմբերի 16-ին, Վրաստանի պաշտպանության նախարար Լևան Իզորիան այցելել է Ադրբեջան, հանդիպել այդ երկրի նախագահ Իլհամ Ալիևին: Հանդիպմանը ներկա է եղել նաև Ադրբեջանի ՊՆ ղեկավարը: Այս մասին հայտնում է Ադրբեջանի նախագահականի կայքը:
Ադրբեջանի նախագահ Իլհամ Ալիևն ընդունել է Վրաստանի ՊՆ ղեկավարին
Ադրբեջանի նախագահականն առայժմ մանրամասներ չի հաղորդում հանդիպումից:
Վրաստանյան «Грузия Онлайн» լրատվական կայքը, հղում անելով երկրի ՊՆ հաղորդագրությանը, հայտնում է, որ կողմերը քննարկել են երկկողմ ստրատեգիական համագործակցությունը: Լևան Իզորիան կարևորել է պաշտպանության ոլորտում համագործակցության զարգացումը, այդ թվում՝ նաև եռակողմ ձևաչափերով:
Ամենայն հավանականությամբ խոսքը Ադրբեջան-Թուրքիա-Վրաստան համագործակցության մասին է: Կողմերը նաև անցկացնում են համատեղ զորավարժություններ:
Այցի ընթացքում Վրաստանի ՊՆ ղեկավարը պետք է հանդիպի Ադրբեջանի պաշտպանության նախարար, գեներալ-գնդապետ Զաքիր Հասանովին, վարչապետ Արթուր Ռասիզադեին, արտգործնախարար Էլմար Մամեդյարովին:
Pingback: Ռազմաշաբաթ. Տարածաշրջան. 11 – 17 դեկտեմբերի, 2016 | Ռազմ.info