Ռուսաստանում «Միջազգային բանակային խաղեր-2015» մրցույթը կմեկնարկի օգոստոսին

Ռուսաստանում անցկացվելիք «Միջազգային բանակային խաղեր-2015» մրցույթի մասնակից ոչ ռուսաստանյան թիմերի թիվը, համեմատած նախորդ տարվան, աճել է 4 անգամ՝ 11-ից հասնելով 46-ի: Այս մասին հունիսի 23-ին կայացած մամուլի ասուլիսի ժամանակ հայտնել է ՌԴ պաշտպանության նախարարի առաջին տեղակալ, բանակի գեներալ Արկադի Բախինը: Այս մասին հատնում է ռուսաստանյան «ՏԱՍՍ» լրատվական գործակալությունը:

Հայաստանցի տանկիստների տանկը օդի մեջ․ Տանկային բիաթլոն-2014

Մոտավոր հաշվարկներով՝ զորախաղերի՝ արտերկրացի մասնակիցների թիվը կհասնի 1900-ի, իսկ դիտորդներինը՝ 400-ի: Ամենամեծաթիվ պատվիրակություններով հանդես կգան Ռուսաստանն ու Չինաստանը՝ համապատասխանաբար մասնակցելով 14 և 13 մրցույթի:

Մրցումներին արտերկրից մասնակցելու է շուրջ 46 թիմ և 15 դիտորդական խումբ: Բախինը նշել է, որ նախապես ՌԴ ՊՆ-ից մրցույթին մասնակցելու հրավեր են ստացել շուրջ 34 պետություն: Հետագայում աշխատանքային այցերի ընթացքում հրավիրվել է ևս 15 պետություն:

«Միազգային բանակային խաղեր-2015» մրցույթով Ռուսաստանում փաստորեն միացրել են «Տանկային բիաթլոն», «Ավիադարտս» և մի քանի այլ մրցույթներ, որոնք մինչ այս անցկացվում էին առանձին-առանձին:

Այս տարի օգոստոսի 1-ին պաշտոանական բացմանը զուգահեռ կմեկնարկի նաև «Տանկային բիաթլոնը», որը կտևի մինչև օգոստոսոի 15-ը: Օգոստոսի 3-13 կընթանան «Ավիադարտս» (օդաչուների՝ ցամաքային թիրախներ խոցելու մրցույթ), «Կասպյան ծով-2015» (ՌԾՈւ մրցույթ, մասնակցելու են Ռուսաստանի, Ղազախստանի, Թուրքմենստանի և Ադրբեջանի թիմերը) և մյուս մրցույթները: