ՆԱՏՕ-ի ռազմական ծախսերը 2014-2015 թվականներին

ՆԱՏՕ անդամ 28 պետություններից 18-ը 2014 թվականի համեմատ ավելացրել են իրենց ռազմական ծախսերը: Դրա արդյունքում, սակայն, ՆԱՏՕ-ի բոլոր երկրների ընդհանուր ռազմական ծախսերը նվազել են նախորդ տարվա համեմատ: Այս մասին տեղեկանում ենք հունիսի 22-ին ՆԱՏՕ պաշտոնական կայքում հրապարակված զեկույցից: Զեկույցի մեջ 28 պետություններից ներառված չէ Իսլանդիան, քան որ այն չունի զինված ուժեր:

ՆԱՏՕ անդամ պետությունների ռազմական ծախսերի աճը ըստ երկրների

ՆԱՏՕ անդամ պետությունների ռազմական ծախսերի աճը ըստ երկրների

Ռազմական ծախսերն ավելացնող երկրների թվում են մասնավորապես Արևելյան Եվրոպայի մի քանի երկրները. ամենամեծ աճը գրանցել է Լիտվան՝ ռազմական ծախսերի մոտ 30 տոկոս ավելացում: Սակայն եթե ռազմական ծախսերը մեծացնողների թվում համեմատաբար փոքր ծախսեր ունեցող երկրներն են, ապա «ծախսատար» այնպիսի պետություններ, ինչպիսիք ԱՄՆ-ն և Արևմտյան Եվրոպայի երկրներն են, նվազեցրել են իրենց ծախսերը: Սրա արդյունքում էլ ՆԱՏՕ-ի 2015թ. հաշվարկված ռազմական ծախսերը մոտ 892 մլրդ դոլար են, ինչը 50 մլրդ դոլարով ավելի փոքր է նախորդ տարվա ցուցանիշից: (2014թ. ՆԱՏՕ երկրների ռազմական ծախսերը եղել են 942 մլրդ դոլար, 2013թ.՝ 968 մլրդ դոլար):

Հետաքրքիր է, որ ՆԱՏՕ-ի անդամ պետություններից միայն չորսն է, որի ռազմական ծախսերը հասնում են երկրի համախառն ներքին արդյունքի (ՀՆԱ) 2 տոկոսին, թեև հենց այդքան տոկոս է նախատեսում ՆԱՏՕ-ն:

ՆԱՏՕ անդամ պետությունների ռազմական ծախսերը երկրների ՀՆԱ-ի համեմատ

ՆԱՏՕ անդամ պետությունների ռազմական ծախսերը երկրների ՀՆԱ-ի համեմատ

Ավելացնենք, որ 2015թ. ծախսերի տվյալները դեռ գնահատված թվեր են, ինչը նշանակում է, որ դրանք կարող են աճել (ավելի քիչ հավանական է, որ կնվազեն): Իսկ ռազմական ծախսերի աճի համար պատրվակ կարող է լինել ՆԱՏՕ-ի արևելյան սահմանների մոտ ակտիվացող մարտահրավերը՝ Ռուսաստանը, ինչպես բնորոշել է Դաշինքի գլխավոր քարտուղար Յենս Ստոլտենբերգը:

Վերջին ամսվա ընթացքում ՆԱՏՕ-ի և Ռուսաստանի միջև հայտարարությունների մակարդակով հակամարտությունը հասել է միջուկային զենքի մասին հիշատակումներին:

One response to “ՆԱՏՕ-ի ռազմական ծախսերը 2014-2015 թվականներին

  1. Pingback: Բրիտանիան կավելացնի ԱԹՍ-ների և հատուկ ստորաբաժանումների վրա ծախսվող գումարները | Ռազմ.info

Մեկնաբանել

Ձեր էլ. փոստի հասցեն չի հրատարակվելու: Պարտադիր դաշտերը նշված են *