2019թ. ապրիլի 1-ից հունիսի 30-ը ներառյալ Ռազմինֆոյին բաց աղբյուրներից հայտնի է դարձել Ադրբեջանի զինված ուժերի և այլ ուժային կառույցների 6 կորստի մասին, որից 3-ը մարտական, 2-ը ոչ մարտական, 1-ի մահվան պատճառներն անհայտ են։
Ապրիլ
Ապրիլի 11-ին Ֆիզուլու ուղղությամբ ականի պայթյունից մահացել է Ադրբեջանի ԶՈւ զինծառայող, Ջալիլաբադի շրջանի Մուսալը գյուղի բնակիչ, 2000թ․ ծնված Մայըլզադե Մահարրամ Գաֆար օլղուն (Mayılzadə Məhərrəm Qafar oğlu): Ծառայության ժամանակ ականի պայությունից մահացածներին մենք համարում ենք մարտական կորուստ:
Մայիս
Մայիսի 30-ին սպանվել է Ադրբեջանի ԶՈւ զինծառայող, գումարտակի հրամանատար, մայոր Օմարով Ագիլ Աքիֆ օղլուն (Omarov Aqil Akif oğlu): Ադրբեջանական կողմը պնդում է, որ զինծառայողը սպանվել է հայ դիպուկահարի կրակոցից, իսկ հայկական կողմը հերքում է:
Հունիս
Հունիսի 9-ին Թարթառի ուղղությամբ սպանվել է Ադրբեջանի զինված ուժերի զինծառայող, 2000թ․ ծնված Խալիլով Էլշեն Վյուգար օղլուն (Xəlilov Elşən Vüqar oğlu):
Հունիսի 10–ին Աղջաբեդի շրջանի զորամասերից մեկում ինքնասպանություն է եղել ԱդրբեջանիԶՈւ զինծառայող Փարվիզ Հաշիմ Օղլու Զեյնալովը (Pərviz Həşim oğlu Zeynalov)։
Հունիսի 19-ին հուղարկավորել են Ադրբեջանի ԶՈւ զինծառայող Էսգերզադե Էլնուր Բահրամ օղլուին (Əsgərzadə Elnur Bəhram oğlu)։
Հարազատների պնդմամբ՝ Էսգերզադեն հունիսի 7-ին գլխի շրջանում հրազենային վնասվածք է ստացել, և այդ օրվանից կոմայի մեջ է եղել։ Վնասվածք ստանալու պայմանները անհայտ են:
Հունիսի 20-ին Բեյլագանի շրջանում մահացել է Ադրբեջանի զինված ուժերի զինծառայող Ազեր Բայրամ օղլու Էյվազովը (Azər Bayram oğlu Eyvazov)։
Ադրբեջանի ԶՈւ և հարակից ուժային կառույցների կորուստները 2019թ. հունվարի 1-ից հունիսի 30-ը.
| Ամիս | Մարտական | Ոչ մարտ. | Անհայտ |
| Հունվար | – | 2 | – |
| Փետրվար | 1 | – | – |
| Մարտ | 2 | 4 | 1 |
| Ապրիլ | 1 | – | – |
| Մայիս | 1 | – | – |
| Հունիս | 1 | 2 | 1 |
| Ընդհանուր | 6 | 8 | 2 |
Հայկական բանակի կորուստները՝ այստեղ։