Մարտի 28-ին հայտնի է դարձել, որ Սիրիայի կառավարական բանակը պատրաստվում է նոր գործողություն սկսել զինյալների դեմ Դամասկոսին հարակից Արևելյան Ղուտայի Դումա քաղաքը ազատագրելու համար: Այս մասին հայտնում է Reuters գործակալությունը՝ հղում անելով սիրիական աղբյուրներին:
Դումայում հիմնականում գործում են Ջաիշ ալ-Իսլամ խմբավորման զինյալներ, որոնք, ըստ սիրիական աղբյուրների՝ հրաժարվել են դուրս գալ քաղաքից: Արևելյան Ղուտայի մյուս հատվածներից զինյալները սկսել են դուրս գալ:
#Douma is still under rebel control with up to 200.000 civilians in it.
This is how the city looked today.#AssadGenocide #PutinAtWar pic.twitter.com/YqUcVxSsax— Julian Röpcke (@JulianRoepcke) March 26, 2018
Հիշեցնենք, որ մարտի 22-ին զինյալների առաջին խմբերը Սիրիայի կառավարության հետ ձեռք բերած պայմանավորվածության շրջանակներում դուրս են եկել Արևելյան Ղուտայից: Զինյալների հետ դուրս են բերվել նաև նրանց ընտանիքների անդամները. ընդհանուր՝ շուրջ 5000 մարդ:
Ավելի վաղ էլ ՝ մարտի 20-ին ՌԴ պաշտպանության նախարարը հայտարարել էր, որ Սիրիայի բանակն ազատագրել է Արևելյան Ղուտայի 65 տոկոսը:
Փետրվարի 24-ին ՄԱԿ-ի Անվտանգության Խորհուրդը Սիրիայում նվազագույնը 30 օր ժամկետով հումանիտար հրադադար հաստատելու բանաձև էր ընդունել: Հրադադար պետք է հաստատվեր նաև Սիրիայի մայրաքաղաք Դամասկոսի արվարձան Արևելյան Ղուտայում: Ավելի ուշ հայտնի դարձավ, որ կողմերը համաձայնության են հասել օրվա ընթացքում մի քանի ժամով հումանիտար հրադադար հաստատելու շուրջ միայն: Ռազմական գործողությունները և բախումները չեն դադարեցվել:
Արևելյան Ղուտայի մի մասը վերահսկում են տարբեր զինյալ խմբավորումներ: 2018 թ. փետրվարի սկզբից Սիրիայի կառավարությունն արվարձանն ազատագրելուն ուղղված լայնամաշտպաբ ռազմագործողություն է սկսել: