Երկրաշարժի գոտում բուժօգնություն տրամադրելու ընթացքում Իրանի բանակի բուժաշխատող է մահացել

Նոյեմբերի 17-ին Իրանի Քերմանշահ նահանգում երկրաշարժից տուժածներին բուժօգնություն տրամադրելու ընթացքում սրտի կանգի պատճառով մահացել է Իրանի բանակի N520 հիվանդանոցի բուժաշխատող Մորթեզա Ղոբադին։ Այս մասին տեղեկացնում է իրանական «Դեֆապռես» լրատվակայքը։

Հիշեցնենք, որ նոյեմբերի 16-ին  Քերմանշահ նահանգի՝ երկրաշարժից տուժած գյուղերից մեկում որոնողափրկարարական աշխատանքներ իրականացնելիս սրտի կանգի պատճառով մահացել էր Իրանի բանակի զինծառայող, ավագ լեյտենանտ Հասան Նիրփուրը։

Իրանի բանակի զինծառայողները աղետի գոտում

Իրանի բանակի զինծառայողները աղետի գոտում

Նոյեմբերին 12-ին Իրանի Քերմանշահ նահանգի՝ Իրաքին սահմանակից շրջաններում տեղի էր ունեցել 7,3 բալ ուժգնությամբ երկրաշարժ։ Կա 400-ից ավելի զոհ, շուրջ 10000 վիրավոր։

Իրանի բանակի հրամանատարի խոսքերով՝ երկրաշարժի հետևանքով զոհվել են նաև սահմանային շրջանում տեղակայված բանակի կառույցների և քաղաքների զորամասերի «որոշ քանակի» զինծառայողներ։ Իսկ թե կոնկրետ քանի զինծառայող է զոհվել, հայտնի չէ։

Երկրաշարժից տուժածներին օգնելու նպատակով ներգրավվել են նաև բանակի, Իրանի իսլամական հեղափոխության պահապանների կորպուսի (ԻՀՊԿ) զինծառայողներ, այդ կառույցների ուղղաթիռներ, ինքնաթիռներ, ռազմական բժիշկներ։

Մեկնաբանել

Ձեր էլ. փոստի հասցեն չի հրատարակվելու: Պարտադիր դաշտերը նշված են *