Արբանյակային լուսանկարներից պարզ է դարձել, որ Ռուսաստանից ձեռք բերած Ս-300ՊՄ2 զենիթահրթիռային համակարգերից մեկը Իրանը տեղակայել է երկրի հարավային Բուշեհր քաղաքում։ Այս մասին հուլիսի 13-ին տեղեկացնում է Janes ռազմական հանդեսը։
Համակարգը Բուշեհրում տեղակայվել է ապրիլին։
Իրանի Բուշեհր նահանգի դիրքը
Ս-300 ԶՀՀ-ի փորձարկում Իրանում
Ավելի վաղ Իրանի բանակի «Խաթեմ ալ-Անբիա» ՀՕՊ ստորաբաժանման հրամանատար Ֆարզադ Էսմայիլին հայտարարել էր, որ Ս-300 ԶՀՀ-ները արդեն մարտական հերթապահություն են անցնում Իրանում, սակայն նա չէր մատնանշել համակարգերի տեղակայման վայրերը։
Հիշեցնենք, որ 2016-ի հոկտեմբերին հայտնի դարձավ, որ Ռուսաստանն ավարտել է Ս-300 ԶՀՀ-ների մատակարարումն Իրանին։ Գործարքը արժեցել է շուրջ 1 մլրդ դոլար։ Համակարգերի մի մասը Իրանը ցուցադրել է Իրանա-իրաքյան պատերազմի հիշատակին նվիրված զորահանդեսի ժամանակ՝ 2016-ի սեպտեմբերին։ Համակարգն Իրանը փորձարկել է 2017-ի մարտին։
Ս-300 ԶՀՀ-ն Իրանում