Իրանը փորձարկել է Ռուսաստանից գնած Ս-300 համակարգերը

Իրանի բանակի «Խաթեմ ալ Անբիա» ՀՕՊ ուժերը «Դամավանդ» զորավարժության ժամանակ առաջին անգամ փորձարկել են  Ռուսաստանից գնած Ս-300 ՊՄՈւ-2 զենիթահրթիռային համակարգերը։ Այս մասին մարտի 4-ին հայտնում է իրանական «Թասնիմ» լրատվական գործակալությունը։

Ս-300-ից արձակած առաջին հրթիռը խոցել է պայմանական հակառակորդի բալիստիկ հրթիռը, իսկ երկրորդը՝ անօդչու թռչող սարքը։

Ս-300 ԶՀՀ-ի փորձարկում Իրանում

Ս-300 ԶՀՀ-ի փորձարկում Իրանում

Ս-300 ԶՀՀ-ի փորձարկման տեսանյութը համացանցում հայտնվել էր ավելի վաղ։

Մինչ այդ Իրանի պաշտպանության նախարարի տեղակալ Ամիր Հաթամին հայտարարել էր, որ Իրանը փորձարկում է Ս-300-ի իրանական տարբերակը՝ «Բավար-373» համակարգը։ Փորձարկումները շարունակվելու են մինչև զինված ուժերին այդ համակարգերի տրամադրումը։

Հիշեցնենք, որ 2016-ի հոկտեմբերին հայտնի դարձավ, որ Ռուսաստանն ավարտել է Ս-300 ԶՀՀ-ների մատակարարումն Իրանին։ Գործարքը արժեցել է շուրջ 1 մլրդ դոլար։ Համակարգերի մի մասը Իրանը ցուցադրել է Իրանա-իրաքյան պատերազմի հիշատակին նվիրված զորահանդեսի ժամանակ՝ 2016-ի սեպտեմբերին։

Համակարգերը ստանալուց հետո Իրանը անցկացրել է նաև ՀՕՊ զորավարժություն, սակայն, ըստ իրանական կողմի, Ս-300-ները այդ զորավարժությանը չեն ներգրավվել։

Ս-300 ԶՀՀ-ի փորձարկում Իրանում

Ս-300 ԶՀՀ-ի փորձարկում Իրանում

Ս-300 ԶՀՀ-ի հրթիռի թիրախ հանդիսացող անօդաչու թռչող սարքը

Ս-300 ԶՀՀ-ի հրթիռի թիրախ հանդիսացող անօդաչու թռչող սարքը

Ս-300 ԶՀՀ-ի արձակման կայանը. Իրանի ԶՈւ

Ս-300 ԶՀՀ-ի արձակման կայանը. Իրանի ԶՈւ

96L6E ռադարը Իրանում փորձարկումների ժամանակ

96L6E ռադարը Իրանում փորձարկումների ժամանակ

Մեկնաբանել

Ձեր էլ. փոստի հասցեն չի հրատարակվելու: Պարտադիր դաշտերը նշված են *