Իրանի իսլամական հեղափոխության պահապանների կորպուսի (ԻՀՊԿ) ռազմածովային ուժերը համալրվել են տեղական արտադրության «Նասիր» թևավոր հրթիռներով։ «Նասիր» հրթիռը ունակ է խոցել ծովային տարբեր թիրախներ, այդ թվում՝ ռազմանավեր։
Այս մասին ապրիլի 22-ին հայտնում է իրանական «Թասնիմ» լրատվական գործակալությունը։
Իրանական արտադրության «Նասիր» հականավային թևավոր հրթիռները
Իրանի պաշտպանության նախարար Հոսեյն Դեհղանի խոսքերով՝ հրթիռը հնարավոր է արձակել ինչպես ափամերձ կայաններից, այնպես էլ նավերի վրայից։
Նշենք, որ «Նասիր» հրթիռը Իրանը առաջին անգամ ներկայացրել է 2017-ի փետրվարին՝ Իրանի բանակի ՌԾՈւ «Վելայեթ-95» զորավարժության ժամանակ։
Հիշեցնենք, որ ավելի վաղ ԻՀՊԿ ռազմածովային ուժերը համալրվել էին «Ղամար-է բանի Հաշեմ» հեռահար հրթիռով:
Իրանական արտադրության «Նասիր» հականավային թևավոր հրթիռը