Հակառակորդի գնդակից զոհվել է ՊԲ զինծառայող

Հունվարի 9-ին` ժամը 21:30-ի սահմաններում, ՊԲ արևելյան զորամասերից մեկի պահպանության տեղամասում հակառակորդի կրակոցից զոհվել է ՊԲ զինծառայող, 1996թ. ծնված Արամայիս Յուրիկի Ոսկանյանը:

Այս մասին այսօր՝ հունվարի 10-ին, հայտնում է ՊԲ մամուլի ծառայությունը: Դեպքի մանրամասները պարզելու համար կատարվում է քննություն։

Պաշտպանության բանակը կիսում է կորստյան ծանր վիշտը և իր զորակացությունը հայտնում մահացած զինծառայողի ընտանիքի անդամներին, հարազատներին և ծառայակիցներին:

Լրացում․ Բակո Սահակյանի հրամանագրով՝ պետական սահմանը պաշտպանելիս ցուցաբերած արիության համար շարքային Արամայիս Ոսկանյանը հետմահու պարգևատրվել է «Մարտական ծառայություն» մեդալով։ Այս մասին տեղեկացնում է Արցախի ղեկավարի կայքը։