Հունիսի 8-ին Բելառուսի Բրեստի զորավարժարանում Ռուսաստանի, Բելառուսի և Սերբիայի համատեղ «Սլավոնական եղբայրություն 2017» հակաահաբեկչական զորավարժության շրջանակներում ՌԴ ԶՈւ զինծառայողները Մի-8 ուղղաթիռներից դեսանտավորման գործողություններ են արել։ Այս մասին հայտնում է ՌԴ ՊՆ կայքը։
Դեսանտավորումը իրականացվել է 500մ բարձրությունից, Դ-10 պարաշյուտներով, գիշերային ժամերին, վայրէջքի համար անծանոթ «Сахара» հրապարակում։
Դեսանտավորման գործողություններ. «Սլավոնական եղբայրություն 2017» զորավարժություն
Իսկ նույն օրը արևածագին ռուս, բելառուս և սերբ դեսանտայինները Բրեստի զորավարժարանում դեսանտավորում են իրականացրել ՌԴ ԶՈւ Իլ-76ՄԴ (6 միավոր) և Բելառուսի ԶՈւ Իլ-76 ինքաթիռներից (1 միավոր)։
Բազմազգ գումարտակային մարտավարական խմբի դեսանտավորումը իրականացվել է 600մ բարձրությունից։ Ռուսաստանյան Իլ-76ՄԴ անձնակազմը դեսանտավորել է Ռուսաստանի և Բելառուսի զինծառայողներին, իսկ բելառուսական Իլ-76 ինքնաթիռների անձնակազմը՝ Բելառուսի և Սերբիայի զինծառայողներին։
«Սլավոնական եղբայրություն 2017» մեկնարկել է հունիսի 6-ին։ Զորավարժությանը ներգրավված է Ռուսաստանի օդադեսանտային զորքերի՝ Պսկովի դեսանտագրոհային դիվիզիայի ավելի քան 300 զինծառայող, Բելառուսի ԶՈւ հատուկ գործողությունների ուժերի 38-րդ առանձին դեսանտագրոհային բրիգադի 400-ից ավելի զինծառայող և Սերբիայի հատուկ նշանակության բրիգադի 50 զինծառայող։
Զորավարժությանը ներգրավված են նաև ՌԴ ԶՈւ Իլ-76ՄԴ ինքնաթիռներ, Բելառուսի ԶՈւ ինքաթիռներ և ուղղաթիռներ։
«Սլավոնական եղբայրություն» զորավարժության անցկացման եռամյա պատմության մեջ առաջին անգամ մասնակից երկրների զինված ուժերից ձևավորվելու է բազմազգ գումարտակային մարտավարական խումբ, որը մշակելու է հակաահաբեկչական գործողությունների իրականացման հարցեր։
Զորավարժության ակտիվ փուլը տևելու է մինչև հունիսի 14-ը։ Նախորդ՝ «Սլավոնական եղբայրություն» զորավարժությունը անցկացվել էր 2016թ. նոյեմբերին 2-15-ը, Սերբիայում: (1,2)
Զորավարժությունն առաջին անգամ անցկացվել է 2015-ին, Ռուսաստանում:
Դեսանտավորման գործողություններ. «Սլավոնական եղբայրություն 2017» զորավարժություն