Նոյեմբերի 2-ին Սերբիայում Ռուսաստանի, Բելառուսի և Սերբիայի զինված ուժերի մասնակցությամբ մեկնարկել է«Սլավոնական եղբայրություն-2016» զորավարժությունը: Այս մասին հայտնում է ՌԴ ՊՆ կայքը:
Զորավարժության առաջին օրերին 3 երկրների դեսնտայիններն իրականացրել են մարտական տեխնիկան դեսանտավորման պատրաստելու վարժանքներ, խաղարկել ծայրահեղական խմբավորումների առաջնորդների հայտնաբերման և վնասազերծման, մարտավարական նշանակության օբյեկտների գրավման գործողություններ:
Զորավարժությանը ընդգրկված են Ռուսաստանի զինված ուժերի 212 , Բելառուսի 56 և Սերբիայի 450 զինծառայող: Այն տևելու է մինչև նոյեմբերի 15-ը: Այս մասին հայտնում է ռուսաստանյան «ՌԻԱ նովոստի» լրատվական գործակալությունը:
Նշենք, որ հոկտեմբերին Ռուսաստանի և Սերբիայի ռազմաօդային ուժերը համատեղ անցկացրել են «Բարս-2016» զորվարաժությունը, իսկ «Սլավոնական եղբայրություն» զորավարժությունը անցկացվում է երկրորդ անգամ: Առաջին անգամ այն անցկացվել է 2015թ. Ռուսաստանում:
Նկատենք նաև, որ միաժամանակ ՆԱՏՕ-ի անդամ 32 երկիր ներկայում զորավարժություններ են անցկացնում Սերբիային հարևան Չեռնոգորիայում:
Pingback: Զորավարժության ընթացքում Ռուսաստանը, Բելառուսը և Սերբիան չեզոքացրել են պայմանական ահաբեկիչներին | Ռազմ.info