Ադրբեջանի ֆինանսների նախարարությունը սեպտեմբերի 29-ին հրապարակել է 2017 թ. պետբյուջեի նախնական տարբերակը, համաձայն որի, Ադրբեջանի ռազմական բյուջեն նախատեսվում է կրճատել շուրջ 27,5 տոկոսով:
Նախագիծը դեռևս պետք է հաստատվի Ադրբեջանի կառավարությունում, որից հետո կուղարկվի խորհրդարանի քննարկմանը, իսկ այնուհետև՝ նախագահի հաստատմանը:
Եթե 2016 թ. համար նախատեսված բյուջեի վերջնական տարբերակում Ադրբեջանի ռազմական ոլորտին հատկացվում էր շուրջ 2 մլրդ 229 մլն ադրբեջանական մանաթ (1,43 մլրդ ԱՄՆ դոլար՝ ընդունման օրվա փոխարժեքով), ապա նոր նախագծով նախատեսվում է հատկացնել շուրջ 1 մլրդ 615 մլն մանաթ (994 մլն ԱՄՆ դոլար՝ հրապարակման օրվա փոխարժեքով), ինչը շուրջ 613 մլն մանաթով կամ 440 մլն ԱՄՆ դոլարով պակաս է այս տարվա հատկացումներից:
Նշենք, որ ընդհանուր բյուջետային ծախսերը նախատեսվում է կրճատել շուրջ 10 տոկոսով, իսկ հենց ռազմականը՝ 27,5 տոկոսով: Ընդհանուր առմամբ բյուջեն կարող է կրճատվել 1 մլրդ 895 մլն մանաթով, որից 613 մլն-ը՝ պաշտպանական բյուջեի հաշվին:
Ավելացնենք, որ եթե այս տարվա բյուջեի հիմքում երկրորդ վերահաշվարկից հետո՝ 2016 թ. փետրվարին, նավթի մեկ բարելի գինը հաշվարկվել էր 25 դոլոր, ապա նոր բյուջեում նախատեսվում է նավթի մեկ բարելը հաշվարկել 40 դոլարով:
Ադրբեջանի պաշտպանական բյուջեի բաշխումը և 2015-2017 թվականների բյուջեների համեմատությունը ներկայացնում ենք աղյուսակով (թվերը ներկայացված են մանաթով):
Ոլորտը | 2015 թ.
(Ընդունված) |
2016 թ.
(Ընդունված) |
2017 թ.
(Նախագիծ) |
|
8.2. | Պաշտպանություն | 1 778 529 | 2 228 834 | 1 615 359 |
8.2.1. | Պաշտպանության ուժեր | 1 651 220 | 2 114 496 | 1 486 905 |
8.2.2. | Ազգային անվտանգություն | 121 089 | 108 894 | 122 700 |
8.2.3. | Ուսումնասիրություններ | 2 831 | 2 422 | 2 642 |
8.2.4. | Այլ | 3 387 | 3 021 | 3 112 |
Pingback: Ռազմաշաբաթ. Տարածաշրջան. 25 սեպտեմբերի – 1 հոկտեմբերի, 2016 | Ռազմ.info
Pingback: Ադրբեջանում մշակույթի, կրթության, սոցապ ծախսերի հաշվին ավելացնում են ռազմական ծախսերը | Ռազմ.info
Pingback: Ադրբեջանի 2017 թ. ռազմական բյուջեով խոշոր գումար է հատկացվում ռազմարդյունաբերությանը | Ռազմ.info
Pingback: Ադրբեջանի նախագահը հաստատել է 2017 թ. բյուջեն. ~700մլն դոլար կուղղվի զենքի գնումներին | Ռազմ.info