Սեպտեմբերի 27-ին Պարսից ծոցում և Հորմուզի նեղուցում իտալական «Եվրո» ռազմանավը և Իրանի ռազմածովային ուժերի ռազմանավերը համատեղ զորավարժություն են անցկացրել: Այս մասին հայտնում է իրանական «Թասնիմ» լրատվական գործակալությունը:
Զորավարժությանը ներգրավվել են իրանական «Ալբորզ» և «Ալվանդ» էսկադրային ականակիր նավերը, «Եվրո» ռազմանավի և իրանական զինված ուժերի ուղղաթիռները:
Իրանի և Իտալիայի ռազմանավերի համատեղ զորավարժությունը
Զորավարժության ընթացքում մշակվել են տեղեկատվության փոխանակման հարցեր, կատարվել թռիչքային վարժություններ:
Իտալական ռազմանավը երկու երկրների միջև քաղաքական , ռազմական համագործակցության շրջանակներում չորսօրյա այցով Իրան էր եկել սեպտեմբերի 24-ին:
Այցի շրջանակներում ռազմանավի անձնակազմը հանդիպել Էր Իրանի ռազմածովային ուժերի հրամանատարության հետ, այցելել իրանական մի քանի կղզիներ:
Ավելի վաղ` սեպտեմբերի 5-ին, փոխծովակալ Ռոբերտո Չիա Մարսելլայի գլխավորությամբ Իրան էր ժամանել իտալական բանակի պատվիրակությունը և այցելել էր իրանական ԶՈւ տարբեր ստորաբաժանումներ:
Pingback: Ռազմաշաբաթ. Տարածաշրջան. 25 սեպտեմբերի – 1 հոկտեմբերի, 2016 | Ռազմ.info
Pingback: Իրանի և Պակիստանի ռազմածովային ուժերը անցկացրել են համատեղ զորավարժություն | Ռազմ.info