Բելառուսի պատվիրակությունը ՀՀ ՊՆ-ում կներկայացնի նավիգացիոն սարքեր

Բելառուսի «GPS/GLONASS» արբանյակային նավիգացիոն համակարգեր արտադրող ընկերության տնօրենի գլխավորած պատվիրակությունը սեպտեմբերի 19-ին կայցելի Հայաստան: Այս մասին տեղեկացնում է ՀՀ ՊՆ կայքը:

Եռօրյա այցի ընթացքում պատվիրակությունը կմասնակցի ՀՀ պաշտպանության նախարարությունում կայանալիք բանակցություններին և համակարգի փորձարկումների կազմակերպմանը:

Ռազմինֆոյի հետ զրույցում ՀՀ ՊՆ խոսնակ Արծրուն Հովհաննիսյանը պարզաբանեց, որ բելառուսական պատվիրակությունը մասնավորապես ներկայացնելու է իրենց ընկերության արտադրած սարքերը, որոնք ընդունում են նշված նավիգացիոն համակարգերի ազդանշանները:

Հիշեցնենք, որ դեռևս մայիսին ՌԴ փոխվարչապետը հայտարարել էր, որ ՀԱՊԿ ռազմատնտեսական կոմիտեի նիստի ժամանակ կազմակերպության անդամ պետությունների պատվիրակները որոշել են ռուսաստանյան GLONASS արբանյակային նավիգացիոն համակարգն օգտագործել համատեղ:

Ռուսաստանցի զինծառայողի աշխատանքը GPS/GLONASS նավիգացիոն համակարգերի ազդանշաններն ընդունող սարքով