Իրավիճակն Արցախի առաջնագծում. օպերատիվ լրահոս. 06.04.2016

23:25

Ռազմինֆոն հնարավորինս մանրամասն և պարզաբանված ներկայացրել է այսօր ՊԲ մամուլի ակումբում տրված տեղեկությունները, այդ թվում և անցուդարձն առաջնագծում, հակառակորդի կողմից հրադադարի խախտումները, կորուստները և այլ տեղեկություններ:

23:25

23:01

Հայկական Panarmenian.net գործակալությունը ներկայացրել է Արցախի հյուսիսարևելյան կողմը պահող մարտիկներին՝ առանց պաթոսի ու «պաշտոնական» կեցվածքի: Ֆոտոռեպորտաժն ամբողջությամբ կարող եք դիտել այստեղ:

22:02

20:34
ՊԲ մամուլի կենտրոնում ՊԲ օպերատիվ բաժնի պետը հայտնել է, որ Ադրբեջանի կորուստները դեռ ճշտվում են, նոր տվյալներ չկան: Ըստ այդմ կներկայացնենք նախորդ օրվա դրությամբ հայտարարված կորուստները.

• 24 տանկ
• 1 ՏՕՍ-1Ա հրանետ
• 1 ՀՄՄ (ԲՄՊ)
• 6 զրահապատ մեքենա
• 1 ինժեներական մեքենա
• 1 «Գրադ» ՀԿՌՀ
• 2 ուղղաթիռ
• 12 անօդաչու թռչող սարք

Ադրբեջանցի սպանված այն զինծառայողների քանակը, որոնց անունները հայտնի են Ռազմինֆոյին (անուններն անհայտ կորուստները բազմապատիկ ավելի շատ են):

• 52 զինծառայող*:

* Հարկ ենք համարում հատուկ շեշտել, որ թշնամու սպանված զինծառայողները բազմապատիկ ավելի շատ են, սակայն ցուցակում ընդգրկված են միայն նրանք, որոնց անունը հնարավոր է եղել ճշտել:

20:24

Ամփոփ՝ Հայաստանի զինուժի կորուստները ապրիլի 1-ից ծավալված մարտերի ընթացքում (ՊԲ մամուլի կենտրոնի՝ ապրիլի 6-ին հայտնած տվյալների հիման վրա).

• 32 զոհված զինծառայող, որից 8 սպա-ենթասպա
• 121 վիրավոր զինծառայող, որից 24 սպա-ենթասպա
• 25 անհետ կորած զինծառայող
• 14 տանկ
• 4 ՀՄՄ (ԲՄՊ)

ՊԲ մամուլի կենտրոնի՝ ապրիլի 6-ին հայտնած տվյալների համաձայն՝ Ադրբեջանի ԶՈւ վերահսկողության տակ հայկական դիրքեր չկան:

Մամուլի կենտրոնի այսօրվա ասուլիսին հայտնել են նաև, որ.

• Ադրբեջանն առաջնագծում հրազենով ու ականանետներով կրակել և խախտել է կրակի դադարեցման պայմանավորվածությունը,
• Ադրբեջանը տանկով կրակել է շտապօգնության մեքենայի վրա,
• Առավոտյան հյուսիսային կողմում Ադրբեջանի ուժերի առանձին խմբեր, շուրջ 15 հոգանոց, մի քանի անգամ փորձ են արել հատել սահմանը և գրավել դիրքը, սակայն անհաջողության են մատնվել:

19:36
ՊԲ թվիթերը հայտնում է. «Պաշտպանության բանակը ապրիլի 2-ից մինչև օրս ունի 32 զոհված, 121 վիրավոր, 25 անհետ կորած զինծառայող»:

#Karabakh army has 32 killed, 121 wounded & 25 missing military servicemen since April 2.

— Karabakh MOD (@Karabakh_MoD) April 6, 2016

19:33
ՊԲ թվիթերը հայտնում է. «Ապրիլի 5-6-ին առաջնագծում Ադրբեջանը խախտել է հրադադարը հրազենով, ականանետներով, ևս մեկ անգամ էլ տանկով կրակել է շտապօգնության մեքենային»:

On April 5-6, #Azerbaijan violated ceasefire with rifles, mortars on the frontline, & once shot with tank to an ambulance of #Karabakh.

— Karabakh MOD (@Karabakh_MoD) April 6, 2016

19:26

19:20
ՀՀ ՊՆ մամուլի խոսնակը հրապարակել է հայկական զինուժի զոհված զինծառայողների ևս 3 անուն:

• Յուզիխովիչ Վիկտոր Ալեքսանդրի
• Կիրակոսյան Գոռ Կարապետի
• Խալաֆյան Սարգիս Լազրի

18:18

17:47

Ապրիլի 6-ին Ֆեյսբուքում ադրբեջանցի օգտատերերից մեկը հայտնել է, որ ապրիլի առաջին օրերի մարտերում ադրբեջանցիների թողած դիակներից մեկի լուսանկարից ճանաչել է անհետ կորած համարվող իր հարազատին` լեյտենանտ Գաբիլ Օրուջելիևին:

16:35
ՊԲ կայքը հայտնում է. «Ադրբեջանի պաշտպանության նախարարության այսօր տարածած հաղորդագրությունը, թե իբր հայկական ուժերը տարբեր տրամաչափի ականանետերից կրակ են վարում, իրականությանը չեն համապատասխանում:ՊԲ առաջապահ ստորաբաժանումները խստորեն հետևում են կրակի դադարեցման շուրջ ձեռք բերված պայմանավորվածությանը»:

16:27
ՀՀ ՊՆ մամուլի խոսնակը հրապարակել է հայկական զինուժի զոհված զինծառայողների ևս 4 անուն:

• Թորոյան Հայկ Վահանի
• Մելքոնյան Գագիկ Սուրիկի
• Թադևոսյան Վարդան Սուրիկի
• Միքայելյան Արամայիս Գրիգորի

15:46
ՀՀ ՊՆ մամուլի խոսնակը հայտնում է, որ Քարվաճառում [հայկական ուժերի] երկու զինծառայող է զոհվել:

15:45

Ապրիլի 6-ին հայտնի է դարձել և հաստատվել է Ադրբեջանի ԶՈւ ևս մեկ սպանված զինծառայողի՝ Շիրինով Սահիլ Հասրեթ օղլուի (Şirinov Sahil Həsrət oğlu) ինքնությունը:

15:14

Ապրիլի 6-ին հայտնի է դարձել և հաստատվել է Ադրբեջանի ԶՈւ ևս մեկ սպանված զինծառայողի՝ Շիրելիև Քամրան Ֆաիք օղլուի (Şireliyev Kamran Faiq oğlu) ինքնությունը:

15:05

Ապրիլի 6-ին հայտնի է դարձել և հաստատվել է Ադրբեջանի ԶՈւ ևս մեկ սպանված զինծառայողի՝ հետախույզ լեյտենանտ Գաբիլ Օրուջելիևի (Qabil Oruceliyev) ինքնությունը:

14:55

14:53

Ապրիլի 6-ին հայտնի է դարձել և հաստատվել է Ադրբեջանի ԶՈւ ևս մեկ սպանված զինծառայողի՝ հետախույզ Բաղիրով Էմին Իմրան օղլուի (Emin İmran oğlu Bağırov) ինքնությունը:

14:37

Ապրիլի 5-ին հայտնի է դարձել և այսօր հաստատվել է Ադրբեջանի ԶՈւ ևս մեկ սպանված զինծառայողի՝ Էսգերով Թեբրիզ Համլետ օղլուի (Əsgərov Təbriz Hamlet oğlu) ինքնությունը:

14:37

Ապրիլի 5-ին հայտնի է դարձել և այսօր հաստատվել է Ադրբեջանի ԶՈւ ևս մեկ սպանված զինծառայողի՝ Ազիզզադե Խալիք Հասան օղլուի (Əzizzadə Xaliq Həsən oğlu) ինքնությունը:

14:36

Ապրիլի 5-ին հայտնի է դարձել և այսօր հաստատվել է Ադրբեջանի ԶՈւ ևս մեկ սպանված զինծառայողի՝ 1976-ին ծնված Ջաբբարխան Հաջիաղաևի (Cabbarxan Hacıağayev) ինքնությունը:

14:25

Ապրիլի 5-ին հայտնի է դարձել և այսօր հաստատվել է Ադրբեջանի ԶՈւ ևս մեկ սպանված զինծառայողի` կոչումով գնդապետ, 1976-ին ծնված Յուսիբով Վյուգար Նյուրադդին օղլուի (Yusibov Vüqar Nürəddin oğlu) ինքնությունը:

14:00
Ռազմինֆոն հավաքել է 2016թ. ապրիլի 1-ից մինչև օրս Ադրբեջանի կորուստների ցանկը՝ ներառյալ սպանված և ինքնությունը հաստատված զինծառայողների ցուցակը և շարքից հանված զինտեխնիկայի տեսակներն ու քանակը:Razm.info-ին հայտնի դարձած, ոչնչացված և ինքնությունները ճշտված ադրբեջանցի զինծառայողների քանակը 48 է: Հարկ ենք համարում հատուկ շեշտել, որ թշնամու սպանված զինծառայողները բազմապատիկ ավելի շատ են, սակայն ցուցակում ընդգրկված են միայն նրանք, որոնց անունը հնարավոր է եղել ճշտել:

13:22

12:42
ՀՀ ՊՆ մամուլի խոսնակը հրապարակել է հայկական զինուժի զոհված զինծառայողների ևս 4 անուն:

• Հակոբյան Ռաֆիկ Խլղաթի
• Մկրտչյան Նարեկ Վարդանի
• Սահակյան Սարգիս Արմենակի
• Աբրահամյան Արամ Արայիկի

11:35
Այսօր՝ ապրիլի 6-ին, ՀՀ կառավարության նիստում ՀՀ պաշտպանության նախարար Սեյրան Օհանյանը հայտնել է, որ կրակը դադարեցնելու մասին երեկ Մոսկվայում պայմանավորվել են Հայաստանի և Ադրբեջանի ԶՈւ ԳՇ պետերը: Փոխանցում է հայկական «Արմենպրես» գործակալությունը:

• Ադրբեջանի կողմից գործողություններն աննախադեպ էին, այդ թվում նաև Արցախյան պատերազմի համատեքստում: Նախարար Օհանյանն ասել է. «Աննախադեպությունը պայմանավորված էր առաջին հերթին ռազմական տեսանկյունից՝ շփման գծի ողջ երկայնքով կրակի խտությամբ, կիրառված ռազմական տեխնիկայով, ներգրավված ուժերի և միջոցների քանակով, նրանց զինված ուժերի մոտեցումն առաջին գծին, ինչպես նաև ժամանակային համեմատության մեջ նրանց մարդկային կորուստների մեծ քանակով»:
• «Այն տեղեկությունները, թե մի քանի բնակավայրեր գտնվում են հակառակորդի վերահսկողության ներքո, իրականությանը չեն համախատասխանում. Թալիշ, Նոր Սեյսուլան գյուղերը գտնվում են ԼՂ պաշտպանության խորքում: Հարավում, կենտրոնում և հյուսիսում, ավելի թեժ կետերում, վերահսկողությունը, նախաձեռնությունը գտնվում են ՊԲ ստորաբաժանումների ներքո», — նշել է նախարարը:

10:56
Հայկական «Հետք» լրատվակայքը զրուցել է Ադրբեջանի մյուս ուղղաթիռը խոցած ՊԲ զինծառայող, հրաձիգ-զենիթային Գևորգ Մանուկյանի հետ: Հիշեցնենք, որ ապրիլի 1-5-ը մարտերի ընթացքում հայկական ուժերը խոցել են Ադրբեջանի զինուժի 2 մարտական ուղղաթիռ:

10:15

ՊԲ կայքը հրապարակել է ապրիլի 2-5-ը մարտերի ընթացքում սպանված ադրբեջանցի զինծառայողների դիերի լուսանկարներ (չի մանրամասնվել, թե երբ և որտեղ են արված լուսանկարները):

08:55
ՊԲ կայքը հայտնում է. Այս գիշեր Արցախի շփման գոտում հիմնականում պահպանվել է ապրիլի 5-ի ժամ 12-ին ձեռք բերված կրակի դադարեցման շուրջ պայմանավորվածությունը:

08:55

Արշակ Զաքարյանը հրապարակել է Ադրբեջանի խոցված անօդաչու թռչող սարքի լուսանկարներ և նշել, որ դա եղել է «կամիկաձե ԱԹՍ» (Անօդաչու թռչող սարքերի այս տեղակը թռչելով գալիս, ընկնում է թիրախի վրա՝ այն խոցելու համար):

00:24
Ադրբեջանցիներին իրենց զինուժի կորուստները ներկայացնելու համար Ռազմինֆոն հրապարակել է ապրիլի 1-5-ը մարտերի ընթացքում սպանված ադրբեջանցի զինծառայողների անունների հերթական ցուցակը: Հայերենով ամբողջ ցուցակին կարելի է ծանոթանալ այստեղ:

00:01
Ամփոփ՝ Ադրբեջանի զինուժի կորուստները ապրիլի 1-ից ծավալված մարտերի ընթացքում (ՊԲ մամուլի կենտրոնի՝ ապրիլի 5-ին հայտնած տվյալների հիման վրա).

• 24 տանկ
• 1 ՏՕՍ-1Ա հրանետ
• 1 ՀՄՄ (ԲՄՊ)
• 6 զրահապատ մեքենա
• 1 ինժեներական մեքենա
• 1 «Գրադ» ՀԿՌՀ
• 2 ուղղաթիռ
• 12 անօդաչու թռչող սարք

Ադրբեջանցի սպանված այն զինծառայողների քանակը, որոնց անունները հայտնի են Ռազմինֆոյին (անուններն անհայտ կորուստները բազմապատիկ ավելի շատ են):

• 44 զինծառայող, որից՝ 12 սպա-ենթասպա:

00:01
Ամփոփ՝ Հայաստանի զինուժի կորուստները ապրիլի 1-ից ծավալված մարտերի ընթացքում (ՊԲ մամուլի կենտրոնի՝ ապրիլի 5-ին հայտնած տվյալների հիման վրա).

• 29 զոհ, որից 7 սպա-ենթասպա
• 101 վիրավոր, որից 20 սպա-ենթասպա
• 28 անհետ կորած
• 14 տանկ
• 4 ՀՄՄ (ԲՄՊ)

ՊԲ մամուլի կենտրոնի՝ ապրիլի 5-ին հայտնած տվյալների համաձայն՝ հայկական ուժերը վերականգնել են ապրիլի 1-ի դրությամբ եղած սահմանագիծը, Ադրբեջանի ԶՈւ վերահսկողության տակ հայկական դիրքեր չկան: