Գորիում տեղակայված զինվորական հոսպիտալում H1N1 վիրուսից (խոզի գրիպ) մահացել է Վրաստանի ԶՈւ հատուկ գործողությունների ուժերի 38-ամյա զինծառայող։ Վերջինիս մահվան լուրը հաստատել է Վրաստանի պաշտպանության նախարարությունը։ Այս մասին այսօր՝ փետրվարի 4-ին, հայտնում է վրաստանյան «Կվիրա» լրատվակայքը։
Նշենք, որ այս պահին Գորիի զինվորական հոսպիտալում գրիպից բուժվում է 12 զինծառայող։ Այս տարի Վրաստանում H1N1 վիրուսից արդեն մահացել է 10 հոգի։
Հավելենք, որ 2 շաբաթ առաջ Վրաստանի պաշտպանության նախարար Թինա Խիդաշելին տեսակապի միջոցով կապվել էր զինված ուժերի բոլոր ստորաբաժանումների հետ և իր անմիջական վերահսկողության տակ վերցրել զինծառայողների առողջության հարցերը։
«Խուճապի կարիք չկա, այժմ մեր նպատակն է վերահսկել իրավիճակը, որպեսզի նոր խնդիրներ չառաջանան»,— ավելի վաղ հայտարարել էր Խիդաշելին։
Հիվանդությունների վերահսկման ազգային կենտրոնի տվյալներով էլ այժմ «խոզի գրիպով» վարակվածների թիվը 255 է։
Razm.info-ի մշտադիտարկման տվյալներով, սա վրաստանյան բանակում 2016 թվականին մահվան առաջին դեպքն է։
Pingback: Գորիում վրաստանցի զինծառայող է սպանվել | Ռազմ.info
Pingback: Վրաստանի զինված ուժերի զինծառայողի դին հայտնաբերվել է պահակակետում | Ռազմ.info