ՌԴ ռազմածովային ուժերի կասպյան նավատորմիղի հետևակայինները զորավարժանքի ժամանակ վնասազերծել են պայմանական ահաբեկիչներին, որոնք «ցանկացել են գրավել» զորամասերից մեկը, հայտնում է ռուսաստանյան «ՌԻԱ Նովոստի» լրատվական գործակալությունը՝ հղում անելով ՌԴ ԶՈւ հարավային ռազմական օկրուգի մամուլի ծառայությանը:
ՌԴ ՌԾՈՒ Կասպյան նավատորմիղի հետևակայինները՝ հակաահաբեկչական պայքարի սցենարով զորավարժանքի ժամանակ
Համաձայն զորավարժանքի սցենարի՝ զինյալների 10-15 հոգանոց խումբը հետագայում գրավելու ու շահագործելու նպատակով հետախուզել է զորամասի տեղանքը, այնուհետև «զինյալների» առաջին խումբը կրակահերթ է բացել զորամասի ուղղությամբ, իսկ երկրորդ խումբը՝ փորձել ներխուժել զորամասի տարածք:
Հարձակման ենթարկված զորամասի հերթապահ անձնակազմն ահազանգի ազդանշանից հետո ստացել է զենքն ու անցել ինքնապաշտպանության: Ռազմածովային ուժերի հետևակայիններին հաջողվել է շրջապատել և ոչնչացնել պայմանական զինյալների խմբին:
Զորավարժանքին մասնակցել է 100 զինվորական և 10 միավոր ռազմական տեխնիկա:
Հավելենք, որ վերջին շրջանում Կասպից ծովի մոտակայքում, մասնավորապես՝ Դաղստանում ավելացել են ահաբեկչական գործողությունների դեպքերը: Ռազմ.ինֆո-ն կազմել է 2015 թվականից մինչև օրս Դաղստանում իրականացված ահաբեկչական և հակաահաբեկչական գործողությունների ժամանակագրությունը:
Pingback: ՌԴ ՌԾՈւ կասպյան նավատորմիղի դեսանտային կատերները զորավարժություններ են իրականացրել | Ռազմ.info
Pingback: Կասպից ծովում շարունակվում են ՌԴ ՌԾՈւ զորավարժությունները | Ռազմ.info