ՌԴ Կասպյան նավատորմիղը դեսանտային գործողությունների իրականացման հմտությունները կատարելագործելու մարզումներ է իրականացրել, որոնց ընթացքում պայմանական թշնամու զենքի սպառնալիքի տակ փորձարկվել են տարբեր հնարքներ: Այս մասին հաղորդում է ՌԴ ԶՈւ հարավային օկրուգի մամուլի ծառայությունը՝ նշելով, որ զորավարժությանը մասնակցած ռուսաստանյան «Սերնա» տիպի 4 արագընթաց դեսանտային կատերներն ու «Ատաման Պլատով» միջին դեսանտային կատերն արդեն վերադարձել են Դաղստանի մայրաքաղաք Մախաչկալայի նավահանգիստ:
ՌԴ Կասպյան նավատորմիղի դեսանտայինները զորավարժության ժամանակ
Զորավարժության ընթացքում արտաքին պայմանները հնարավորինս նմանեցված են եղել մարտական իրադրության, իսկ դեսանտային նավերը փորձել են մոտենալ ափերին առավելագույն արագությամբ (60 կմ/ժ): Մարզումներն անցկացվել են առանց լրացուցիչ անձնակազմի ու ռազմածովային ուժերի հետևակայինների մարտական տեխնիկայի ներգրավման:
Հիշեցնենք, որ օրերս զորավարժություն են իրականացրել նաև ՌԴ ռազմածովային ուժերի կասպյան նավատորմիղի հետևակայինները, որի ժամանակ «վնասազերծել են ահաբեկիչներին»:
Հավելենք, որ վերջին շրջանում Կասպից ծովի մոտակայքում, մասնավորապես՝ Դաղստանում, ավելացել են ահաբեկչական գործողությունների դեպքերը: Ռազմ.ինֆո-ն կազմել է 2015 թվականի սկզբից մինչև օրս Դաղստանում իրականացված ահաբեկչությունների և հակաահաբեկչական գործողությունների ժամանակագրությունը:
Pingback: Կասպից ծովում շարունակվում են ՌԴ ՌԾՈւ զորավարժությունները | Ռազմ.info