Մեծ Բրիտանիայի վարչապետ Դևիդ Քեմերոնը դեկտեմբերի 9-11-ն աշխատանքային այցով լինելու է Անկարայում, որը շրջանակներում Թուրքիայի նախագահ Ռեջեփ Թայիփ Էրդողանի հետ քննարկելու է «Իսլամական պետության» դեմ պայքարի խնդիրը:
Ինչպես հայտնում է թուրքական «Դեյլի Նյուզ» լրատվականը, Թուրքիայի նախագահ Էրդողանն այս մասին հայտնել է նոյեմբերի 29-ին Ստամբուլում տեղի ունեցած Sweet Talk ֆորումի ժամանակ՝ նշելով, որ Թուրքիա-Բրիտանիա երկկողմ հարաբերությունները և քաղաքական միասնական կամքը կարևոր են ոչ միայն երկու ժողովուրդների, այլև դժվար ժամանակներ ապրող տարածաշրջանի ազգությունների համար:
Այցի շրջանակներում քննարկումների վերաբերյալ մանրամասները դեռ ճշտվում են, սակայն Էրդողանը հայտարարել է, որ իրենք մեծապես կենտրոնանալու են Իրաքում և Սիրիայում ԻՊ դեմ պայքարելու խնդրի վրա:
Վերոնշյալ ֆորումի ժամանակ Էրդողանը կրկին խոսել է նաև ոչ միայն ԻՊ, այլ զուգահեռ Ասադի ռեժիմի դեմ պայքարելու անհրաժետության մասին և նշել, որ ահաբեկիչների դեմ պայքարում հաջողություններն անհնար են, քանի դեռ Սիրիայում չի հաստատվել ոչ թռիչքային գոտի:
Հիշեցնենք, որ Թուրքիային ԻՊ դեմ պայքարում ակտիվորեն ներգրավվելու կոչով է անում նաև ԵՄ արտաքին գործերի և քաղաքականության գերագույն հանձնակատար Ֆեդերիկա Մոգերինին, ով մի շարք բարձրաստիճան պաշտոնյաների թվում Թուրքիայում էր: