Եվրոպական Միության արտաքին գործերի և քաղաքականության գերագույն հանձնակատար Ֆեդերիկա Մոգերինին մի շարք բարձրաստիճան պաշտոնյաների թվում այցելել է Թուրքիա՝ կոչ անելու լիովին միանալ Սիրիայում «Իսլամական պետություն» ահաբեկչական կազմակերպության դեմ միջազգային կոալիցիայի պայքարին: Այս մասին հայտնում է բրիտանական BBC լրատվական կայքը:
Եվրոպական Միության արտաքին գործերի և քաղաքականության գերագույն հանձնակատար Ֆեդերիկա Մոգերինի
Մոգերենին և այլ եվրոպացի պաշտոնյաներ Թուրքիային կոչ են անելու մասնավորապես կասեցնել իրենց սահմանով դեպի Սիրիա անցնող ահաբեկիչների հոսքը: Վերջինս նաև շեշտելու է ԵՄ-Թուրքիա հարաբերությունների ռազմավարական նշանակությունը:
ԵՄ պաշտոնյան հորդորել է Թուրքիային աջակցել օտար զինյալներին գտնելու գործում և տեղեկատվություն տրամադրել օդային անվտանգության սպառնալիքների վերաբերյալ: Մոգերինին կոչ է արել Թուրքիային միանալ նաև Ռուսաստանի դեմ կիրառվող պատժամիջոցներին:
Հիշեցնենք, որ նորանշանակ Մոգերինիի այցը հաջորդեց օրեր առաջ Ռուսասատանի նախագահ Պուտինի՝ Թուրքիա կատարած այցին, որի շրջանակներում վերջինս չեղյալ հայտարարեց Սև ծովով և Բուլղարիայով դեպի Կենտրոնական և Հարավային Եվրոպա գազ մատարակարող «Հարավային հոսք» ծրագիրը՝ որպես այլընտրանք առաջարկելով կառուցել Թուրքիայով անցնող նոր գազամուղ:
Նշենք, որ Թուրքիայի՝ ԵՄ-ին անդամակցելու վերաբերյալ բանակցություններն ընթանում են 2005-ից և այդ գործընթացում ամենամեծ խոչընդոտը Կիպրոսի հիմնախնդիրն է:
Pingback: Մեծ Բրիտանիան և Թուրքիան կքննարկեն ԻՊ դեմ պայքարի խնդիրը | Ռազմ.info