Այսօր՝ 2014-ի հուլիսի 24-ին, ՀՀ նախագահ Սերժ Սարգսյանը հանդիպում է ունեցել Հանրային խորհրդի անդամների հետ, որի ընթացքում, ի թիվս այլ հարցերի, քննարկվել է նաև սահմանային անվտանգության ապահովումը։
ՀՀ նախագահ Սերժ Սարգսյան
Այդ համատեքստում, մեկնաբանելով սահմանամերձ գյուղերի բնակչությանը զինելու առաջարկը, նախագահը դեմ է արտահայտվել և նշել, որ այսօր զինված ուժերում ստեղծված են բոլոր հնարավորությունները, որոնք թույլ են տալիս սահմանամերձ բնակիչներին ցանկության դեպքում բռնել զենք։
Հիշեցնենք, որ այս հարցը կրկին սկսեց քննարկվել, երբ հայտնի դարձավ, որ Քարվաճառում հայտնաբերվել են քաղաքացիական հագուստով զինված ադրբեջանցիներ, որոնցից երկուսը ձերբակալվեցին, իսկ մեկը սպանվեց։
Հիշեցնենք նաև, որ մեկնաբանելով միջադեպը, ՀՀ պաշտպանության նախարար Սեյրան Օհանյանը հուլիսի 17-ին լրագրողներին հայտնեց, որ քննարկվում է Քարվաճառի պայմանագրային զինծառայողներին իրենց կցված զենքը տուն տանել թույլատրելու հարցը։
Pingback: Ռազմաշաբաթ. Հայաստան. հուլիսի 20-26 | Ռազմ.info