Վրաստանի պաշտպանության նախարար Իրակլի Ալասանիայի գլխավորած պատվիրակությունն այսօր՝ փետրվարի 14-ին, այցելել է Գերմանիայում տեղակայված ամերիկյան «Հոենֆելս» ռազմաբազա։ Միացյալ բազմազգ վերապատրաստման կենտրոնում ԱՄՆ-ն Աֆղանստան ուղարկելու համար պատրաստում է Վրաստանի զինված ուժերի լեռնային-հետախուզական գումարտակն ու հետևակի 2-րդ բրիգադին։
Իրակլի Ալասանիան և Վախթանգ Կապանաձեն ամերիկյան ռազմաբազայում
Այս մասին տեղեկացնում է Վրաստանի պաշտպանության նախարարության պաշտոնական կայքը։
Վրաստանի պաշտպանության նախարար Իրակլի Ալասանիան և զինված ուժերի գլխավոր շտաբի պետ, գեներալ-մայոր Վախթանգ Կապանաձեն ներկա են եղել վրացական զինծառայողների վերջնական նախապատրաստման աշխատանքներին։
Այցի շրջանակներում Վրաստանի պաշտպանական գերատեսչության ղեկավարությունը հանդիպել է նաև ԱՄՆ Ծովային հետևակի և ցամաքային զորքերի եվրոպական հրամանատարության ղեկավարների հետ։
Հիշեցնենք, որ վրացիխաղաղապահներն ընդգրկված են ամերիկյան զորախմբի կազմում։ Ծառայում են 2009-ի օգոստոսից։ Ներկայումս Աֆղանստանում ծառայում է 1500 վրացի։ Ամեն կես տարին մեկ իրականացվում է վրացի զինծառայողների ռոտացիա։