Թուրքիան Իրանում տարածված կորոնավիրուսի դեմ պաշտպանական գործողությունների շրջանակում փակել է այդ երկրի հետ իր բոլոր անցակետերը, այդ թվում՝ Իգդիր նահանգի սահմանը։ Փակվել է նաև Իգդիր նահանգի Արալըք շրջանում Թուրքիայի ու Նախիջևանի սահմանի Դիլուջու անցակետը։
Սահմանակետերի փակման մասին փետրվարի 23-ին հայտարարել է Թուրքիայի առողջապահության նախարար Ֆահրեթթին Քոջան։
Նշենք, որ ադրբեջանական ընդդիմադիր «Թուրան» գործակալությունը հայտնում է, որ Իրանը ևս փակել է Նախիջևանի հետ սահմանը։ Եթե տեղեկությունը ճիշտ է, ապա այժմ Նախիևջանն իր ցամաքային հարևանների հետ որևէ բաց սահման չունի։
Նշենք, որ կորոնավիրուսի դեմ ձեռնարկված գործողությունների շրջանակում այսօր երկու շաբաթ ժամկետով դադարեցվել է ցամաքային հաղորդակցությունը Հայաստանի և Իրանի Իսլամական Հանրապետության միջև, իսկ օդային հաղորդակցության նկատմամբ կիրառվել են ոչ ամբողջական սահմանափակումներ։