Հուլիսի 26-27-ին մեկ ադրբեջանցի զինծառայող մահացել է, մյուսը՝ վիրավորվել

Հուլիսի 26-ին Ադրբեջանի ԶՈւ 1998թ․ ծնված շարքային զինծառայող Ռամիլ Ֆազիլ օղլու Ջալիլովը (Ramil Fazil oğlu Cəlilov) Աղդամի զորամասերից մեկում ծառայության ժամանակ էլեկտրահարումից մահացել է։

Այս մասին հայտնում է Ադրբեջանի ընդդիմադիր «Մեյդան» հեռուստաընկերությունը՝ հղում անելով զինծառայողի բարեկամներին։

Հուլիսի 26-ին էլեկտրահարումից մահացած ադրբեջանցի զինծառայող Ռամիլ Ֆազիլ օղլու Ջալիլովը (Ramil Fazil oğlu Cəlilov)
Հուլիսի 26-ին էլեկտրահարումից մահացած ադրբեջանցի զինծառայող Ռամիլ Ֆազիլ օղլու Ջալիլովը (Ramil Fazil oğlu Cəlilov)

Նշենք, որ Ադրբեջանի պաշտպանության նախարարությունն այս կորուստը, ինչպես նույն օրը հայտնի դարձած ավագ լեյտենանտի կորուստը, ևս չի հայտնել։

Բացի այդ՝ հուլիսի 27-ին, ժամը 22։45-ին Իրան-Ադրբեջան սահմանին իրանցի սահմանախախտների և ադրբեջանցի սահմանապահների միջև փոխհրաձգության ժամանակ վիրավորվել է ադրբեջանցի սահմանապահ զինծառայող։ Այս մասին հայտնել է Ադրբեջանի Պետական սահմանապահ ծառայությունը, վիրավոր զինծառայողի անունը, սակայն, չի նշվում։

Հատկանշական է` օրերս Ռազմինֆոյին հայտնի դարձավ դեռ 2015թ․ հուլիսի մի կորուստ, որը ադրբեջանական կողմը կրկին թաքցրել էր։ 2015թ․ հուլիսի 10-ին Թովուզի շրջանում ավտովթարից մահացել էր ադրբեջանցի ռազմական բժշիշկ, 1982թ․ ծնված Նադիր Մամմեդով Մամմեդ օղլուն (Məmmədov Nadir Məmməd oğlu)։

Հավելենք նաև, որ 2019թ. հունվարի 1-ից մինչ օրս բաց աղբյուրներից հայտնի է դարձել Ադրբեջանի զինված ուժերի և այլ ուժային կառույցների 23 կորստի մասին։

Մեկնաբանել

Ձեր էլ. փոստի հասցեն չի հրատարակվելու: Պարտադիր դաշտերը նշված են *