[Թարմացում] Անհայտ պայմաններում ադրբեջանցի զինծառայող է մահացել

Հուլիսի 26-ին ադրբեջանցի օգտատերերից մեկը իր ֆեյսբուքյան էջում տարածել է լուսանկարներ ու տեսանյութ Ադրբեջանի Թարթառի շրջանում զինվորականի թաղման արարողությունից ու որպես մեկնաբանություն գրել է, որ մահացողի անունը Քամրան է, նա 25 տարեկան էր։

[Թարմացում] Ադրբեջանական ընդդիմադիր «Մեյդան» հեռուստաընկերությունը հայտնում է, որ մահացած զինծառայողը Ադրբեջանի ԶՈւ սպա, ավագ լեյտենանտ 1994թ․ ծնված Քամրան Էլչին օղլու Ալիևն է (Kamran Elçin oğlu Əliyev)։ Ըստ աղբյուրի՝ զինծառայողը ինքնասպան է եղել։

Կա նաև մահվան երկրորդ վարկածն, ըստ որի՝ զինծառայողին սպանել է իր ծառայակիցը։[Թարմացում]

Օգտատերն ասում է, որ անձամբ է արել լուսանկարները, թափորն ուղեկցող մարդկանցից հարցուփորձ է արել տեղեկություններ ճշտելու համար, ասել են, որ մահվան պատճառը չգիտեն։

Ադրբեջանցի օգտատիրոջ տարածած լուսանկարը հուլիսի 26-ին զինծառայողի թաղման արարողությունից
Ադրբեջանցի օգտատիրոջ տարածած լուսանկարը հուլիսի 26-ին զինծառայողի թաղման արարողությունից

Այլ բաց աղբյուրներից հայտնի է դարձել, որ զինծառայողը մահացել է դժբախտ պատահարից։ Առայժմ այլ մանրամասներ հայտնի չեն։

Հատկանշական է, որ տեսանյութի վերջում նկարողին մոտենում է մի երիտասարդ ու ստիպում անջատել տեսախցիկն ու չնկարել։

Նշենք, որ Ադրբեջանի պաշտպանական գերատեսչությունները, ինչպես նաև ադրբեջանական լրատվամիջոցներն այս մասին որևէ տեղեկություն չեն հայտնել։

Մեկնաբանել

Ձեր էլ. փոստի հասցեն չի հրատարակվելու: Պարտադիր դաշտերը նշված են *