Հուլիսի 28-ին Տավուշի մարզում հակառակորդի կրակից վիրավորվել է հայկական զինված ուժերի պայմանագրային զինծառայող, կրտսեր սերժանտ Վլադիմիր Հայկազի Օսիպյան։ Նրա վիճակը բավարար է, կյանքին վտանգ չի սպառնում:
Այս մասին իր ֆեյսբուքյան էջում հայտնել է ՀՀ պաշտպանության նախարարի մամուլի խոսնակ Արծրուն Հովհաննիսյանը։
Ռազմինֆոյի հետ զրույցում Հովհաննիսյանը նշեց, որ երեկ հայկական կողմը ունեցել է 1 զոհ և 1 վիրավոր՝ հակառակորդի հետ երկու տարբեր միջադեպերի ժամանակ։
Երեկ Տավուշում զոհվել էր պայմանագրային զինծառայող 1995թ. ծնված Արման Արայիկի Բուլղադարյանը, դրանից մեկ օր առաջ կրկին թշնամու կրակից վիրավորվել էր մեկ այլ զինծառայող։