Նախիջևանում է Թուրքիայի պաշտպանության նախարարը

Հունիսի 10–ին թուրք-ադրբեջանական համատեղ «Անդրդվելի եղբայրություն–2019» զորավարժությանը հետևելու նպատակով Նախիջևան է մեկնել Թուրքիայի պաշտպանության նախարար Հուլուսի Աքարը։

Այս մասին հայտնում է Ադրբեջանի պաշտպանության նախարարությունը։ Նշենք, որ թուրքական աղբյուրներում նախարարի այցի մասին դեռ որևէ հայտարարություն չկա։

Թուրքիայի ՊՆ Հուլուսի Աքարը Նախիջևանում է «Անդրդվելի եղբայրություն–2019» զորավարժությանը հետևելու համար
Թուրքիայի ՊՆ Հուլուսի Աքարը Նախիջևանում է «Անդրդվելի եղբայրություն–2019» զորավարժությանը հետևելու համար

Նույն նպատակով այսօր Նախիջևան է ժամանել նաև Ադրբեջանի պաշտպանության նախարար Զաքիր Հասանովը։

«Անդրդվելի եղբայրություն–2019» զորավարժությունը մեկնարկել է հունիսի 7-ին, ավարտվելու է հունիսի 11–ին։ Նախիջևանի առանձին համազորային բանակի մոտոհրաձգաին ստորաբաժանումներից բացի վարժանքներին ներգրավվել են հրթիռահրետանային, ինժիներասակրավորային և ՀՕՊ, ինչպես նաև Ներքին զորքերի ստորաբաժանումներ:

Մեկնաբանել

Ձեր էլ. փոստի հասցեն չի հրատարակվելու: Պարտադիր դաշտերը նշված են *