Հունիսի 9-ին Իրանում կայացել է տեղական արտադրության ՀՕՊ նոր համակարգի՝ «Խորդադ-15»-ի ցուցադրությունը, որին մասնակցել է նաև Իրանի պաշտպանության նախարար, բրիգադային գեներալ Ամիր Խաթամին:
Այս մասին հայտնում է իրանական Tasnim լրատվական գործակալությունը: Ցուցադրության ժամանակ Խաթամին հայտնել է ՀՕՊ համակարգի մարտավարատեխնիկական բնութագրից որոշ տվյալներ: Ըստ նախարարի դրանք հետևյալն են՝
- թիրախների հայտնաբերման հեռավորություն – 150կմ;
- թիրախների ուղեկցման հեռավորություն – 120կմ;
- խոցման հեռահարություն – 75կմ;
- խոցման բարձրություն – 27 կմ;
- դժվարորսալի թիրախների հայտնաբերման հեռավորություն – 85կմ;
- դժվարորսալի թիրախների խոցման հեռահարություն – 45կմ;
Նոր համակարգի համար նախատեսված են իրանական արտադրության
«Սայյադ-3» հրթիռները: Այս հրթիռները առաջին անգամ փորձարկվել են 2016-ին, իսկ հոսքային արտադրության էին դրվել 2017-ի ամռանը: 2016-ին հրթիռները արձակվել էին «Թալաշ» զենիթահրթիռային համակարգից, ինչը վիզուալ նմանություն ունի «Խորդադ-15»-ի հետ: