Մայիսի 14-ին Վրաստանի պետական «Դելտա» ռազմական գիտահետազոտական կենտրոնը հրապարակել է տեղական արտադրության Didgori Medevac բժշկական տարհանման զրահամեքենաներից լուսանկարներ՝ վերնագրելով որպես «փորձարկում»։
Հրապարակման մեջ երևում է, որ մեքենաների վրա պատկերված է կարմիր մահիկ, ինչը որպես կանոն լինում է իսլամական երկրներում բժշկական ծառայություն իրականոցնող միջոցների վրա։
Հատկանշական է՝ նախորդ տարվա դեկտեմբերին հայտնի էր դարձել, որ «Դելտան» Didgori Medevac զրահամեքենաների վաճառքի վերաբերյալ շուրջ 3․7 մլն ԱՄՆ դոլարի պայմանագիր է կնքել Ինդոնեզիայի հետ: Ուստի կարելի է ենթադրել, որ պատկերված մեքենաները հենց Ինդոնեզիային մատակարարվելիք խմբաքանակից են։
Նշենք նաև, որ Վրաստանը այս զրահամեքենաները առաջին անգամ արտահանել էր Սաուդյան Արաբիա: Ավելի քան 100 միավոր զրահամեքենայի վաճառքի մասին պայմանագիրը կնքվել էր 2015-ին, իսկ մատակարարումները սկսել էին 2016-ին, շարունակվել՝ 2018-ին: Չենք կարող բացառել նաև, որ 2018-ին մատակարարումների հետ կարող էին խնդիրներ լինել