Հայաստանի դեմ մարտական ԱԹՍ կիրառած իսրայելական ընկերությունը Ադրբեջանի հետ կրկին պայմանագիր է կնքել

Հայկական դիրքերի ուղղությամբ 2017-ին Ադրբեջանի «խնդրանքով» մահապարտ ԱԹՍ կիրառած Aeronautics Defense Systems Ltd. (ADC) ընկերությունը դեպի Ադրբեջան արտահանման արգելքի վերացումից հետո շուրջ 13 մլն դոլար գնահատվող պայմանագիր է կնքել Ադրբեջանի հետ։

Այս մասին հայտնում է իսրայելական The Jerusalem Post լրատվակայքը։ Նշվում է, որ պայմանագիրը վերաբերում է Ադրբեջանին այս ընկերության արդեն իսկ վաճառած ԱԹՍ-ների սպասարկմանը և վերանորոգմանը՝ 2 տարով։ 

Հիշեցնենք, որ փետրվարի սկզբին էլ հայտնի դարձավ, որ 
Իսրայելի ՊՆ-ն վերացրել էր Aeronautics-ի վրա դրված Ադրբեջանին 
Orbiter-1K մահապարտ ԱԹՍ-ներ վաճառելու արգելքը։ 

Արգելքը դրվել էր 2017-ի օգոստոսին, երբ իսրայելական մամուլը գրեց Արցախի դիրքերի ուղղությամբ ADC ընկերության ներկայացուցիչների կողմից մահապարտ ԱԹՍ-ներ կիրառելու մասին, իսկ Իսրայելի ՊՆ-ն հետաքննություն սկսեց: 

One response to “Հայաստանի դեմ մարտական ԱԹՍ կիրառած իսրայելական ընկերությունը Ադրբեջանի հետ կրկին պայմանագիր է կնքել

Մեկնաբանել

Ձեր էլ. փոստի հասցեն չի հրատարակվելու: Պարտադիր դաշտերը նշված են *